Lukas 19:37 - U Maganda A Baheta Ni Jesu-Cristo

³⁷ Nikuna padegson dán siya tu Buked nu Olibo hide ay nagpákhawan u atanan nu disepulus na hide dipo tu saya de. Sakay nagsapul dán hide a magpasalamat tu Diyos dipo tu atanan a makataka-taka a bagay a netan de a ginimet ni Jesus.

Lukas 19:37 Σταυροειδείς Αναφορές

Mateo 21:1

Nadid nikuna adeni dán ti Jesus sakay u disepulus na hide ti Jerusalem ay umimang hide ti Betfage, tu Buked nu Olibo hide. Pinadipalongo ni Jesus u duwwa a disepulus.

Markos 13:3

Nadid, mentaras a mággetnod ti Jesus tu buked nu Olibo, tu tapat nu Templo ay tinanung siya di Pedro, Santiagu, Juan sakay ti Andres ti lihim.

Markos 14:26

Nágkansiyon hide ti papure tu Diyos sakay káttapos ay ummangay hide tu buked a Olibu.

Lukas 18:43

Kaya ti odas biyan itod ay naketa siya sakay tulos a immunonod ni Jesus a nágpapuriyán tu Diyos. Nikuna a ketan itod nu katolayan ay atanan de a nagpure tu Panginoon.

Lukas 19:20

Káttapos nu kaduwwa ay immadene be u essa pa a utusan, sakay kinagi na, ‘Panginoon, sadánnáy u pilak mo a ginto. Binalutan ko ti panyo sakay intagu ko.

Lukas 19:29

Nikuna adene dán siya ti Betfage sakay ti Betania, tu buked a ngángngahanan de a Buked nu Olibo hide ay pinágdipalongo na u duwwa na a disepulus.

Lukas 19:36

Mentaras a mágsakay siya a patamo ti Jerusalem ay inlatag nu tolay hide u dami-damit de tu paglakadán na.

Lukas 7:16

Neántingan hide a atanan sakay nagpure hide tu Diyos. Kinagi de, “Dummemát dán nikitam u dakila a prupeta. Immangay he u Diyos para tulungan na kitam a tolay na hide.”

Juan 12:18

Kanya makpal u timmagbu ni Jesus dipo nabaheta de u ginimet na a makataka-taka a bagay.