Lukas 19:13 - U Maganda A Baheta Ni Jesu-Cristo

¹³ Pero bagu siya limmakad ay dinulawan na u sapulo na hide a utusan. Inatádden na hide ti tatággessa de a pilak a ginto. Sakay kinagi na nide, ‘Inigosyo moy pala hanggan tu kássole ko.’

Lukas 19:13 Σταυροειδείς Αναφορές

Mateo 25:16

Lummakad a pagdaka u nakaalap ti limma a libo a piso sakay nagnegosyo siya. Sakay timmubo u pilak na ti limma a libo a piso be.

Mateo 25:20

Ummadeni u nakaalap ti limma a libo a piso sakay kinagi na, ‘Panginoon, sa iye u limma a libo a piso a intád mo nikán. Sakay sa iye be u limma a libo a piso a tinubo ko.’

Mateo 25:22

Ummadeni be u nakaalap ti duwwa a libo sakay kinagi na, ‘Panginoon, sa iye u intád mo nikán a duwwa a libo. Sakay sa be iye u duwwa a libo a tinubo ko.’

Mateo 25:24

Sakay ummadeni be u nakaalap ti essa a libo. Kinagi na ‘Tukoy ko a hiko ay mahigpit. Maggapas ka tu awan mo immula sakay maggani ka tu awan mo intalok.

Lukas 19:12

Kaya kinagi na, “Te essa a lállake a mayaman a immangay tu adeyo a lugar para magin hare sakay nagsole labe tu banuwan na para maghare.

Lukas 19:14

Pero u kabanuwanan na hide ay inadiyan de siya, kaya nangutus hide ti angay mangkagi tu pinaka-mataas a puno nu banuwan a umád di siya a magin hare de.

Juan 12:26

U atanan a masoh a magin disepulus ko ay dapat umunonod nikán, para ni hádyaák ay katoy bi hod siya. U deyaman a magserbi nikán ay ilangkaw nu Ama.”

Galacia 1:10

Diyan moy isipán a kaya ku iye a kákkagiyán ay para masaya nikán u tolay. U papure la a gábwat tu Diyos u gusto ko a matanggap. Ni ilingán ku laay ay u ikasaya nu tolay, ay awanák tunay a tagapagserbi ni Cristo.

Santiagu 1:1

Hikán ti Santiago a alipin nu Diyos sakay alipin nu Panginoon Jesu-Cristo. Magsulaták tu atanan a Judio a mánnampalataya tu Diyos a katoy tu iba-iba a lugar ti munduway. Kumusta kam la hina a atanan.

2 Pedro 1:1

Hikán ti Simon Pedro a apostol sakay tagapagserbi ni Jesu-Cristo. Iye a sulat ay para tu atanan a tummanggap ti pánnampalataya a mahalaga. I pánnampalatayaan iye ay inyatád nikitam ni Jesu-Cristo a Diyos tam sakay tagapagligtas, dipo matuwid siya.