Lukas 18:9 - U Maganda A Baheta Ni Jesu-Cristo

⁹ Kinagi ni Jesus iye a talinhaga tu tolay hide a u pangisip de tu sadile de ay mágkalinis, pero imemenos di la be u agum a tolay.

Lukas 18:9 Σταυροειδείς Αναφορές

Lukas 10:29

Dipo tu pagkasoh nu maisto nu Kautusan a ipeta a tama siya ay tinanung na a huway ti Jesus: “Deya beman kapareho kuway a tolay?”

Lukas 15:2

Nágganasasan u Pariseo hide sakay u maisto hide nu Kautusan, kinagi de, “I tolayan iye ay mákpággagum tu makasalanan hide sakay mákpággatubang nide a kuman.”

Lukas 16:15

Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Lukas 18:11

Timmaknág u Pariseo sakay nagdasal ti konna heeh, ‘Magpasalamaták niko, Panginoon dipo awanák kapareho nu agum a mágtakaw, mágkadaya, mángngibábbey oni konna ti lállakeyáy a mágsingeh ti buwes.

Lukas 19:7

Nikuna ketan itod nu tolay hide ay nágganasasan hide a atanan, kinagi de a, “Maktulos siya ti makasalanane a tolay!”

Lukas 7:39

Nikuna ketan itod nu Pariseo a nangakit nikuna ay nakagi na tu sadile na, “Ni talaga a prupeta i tolayan iye ay dapat tukoy na ni ti deya mangkákkahapáy nikuna sakay ni ánya i pagkatolayay ni iye a bábbey. Essa siya a makasalanan!”

Juan 8:48

Kinagi nu puno nu Judio hide ni Jesus, “Tama u kinagi me a essa ka a Samaritano sakay sináddáp ka ni madukás a ispirito.”

Juan 9:28

Kanya nagingál hide, pinasanike de u lállake. Kinagi de, “Hiko u disepulus na, pero hikame ay disepulus ni Moises.

Juan 9:34

Timmábbeg u pinuno hide, “Neenak ka a makasalanan, sakay mabegsák pa i pággisipan muwe a mangaral nikame!” Sakay binawalan de siya a sumáddáp tu bilay a págsambaan de.

Gimet 22:21

Pero kinagi nikán nu Panginoon, ‘Lumakad ka dán dipo paangayán taka tu adeyo a lugar, tu Hentil hide.’”

Roma 10:3

Dipo awan de tukoy ni kodya u pángbilang nu Diyos a awan ti kasalanan u essa a tolay. Nagsikap hide a maggimet ti sadile de a pamamaraan, nan sumunud tu pamamaraan nu Diyos.

Roma 14:10

Kanya dyan mo hatulan oni sestiyán u kapatkákka mo ni Cristo. Dipo hikitam a atanan ay umatubang tu Diyos, sakay siya u manghatul ni u ginimet tam ay maganda oni madukás.

Roma 14:3

Awan dapat a sestiyán nu tolay a kuman ti maskin ánya, u tolay a atong la u kanán na. Sakay dyan hatulan nu kuman la ti atong u kuman ti maskin ánya. Dipo hide a duwwa ay pareho la a tanggapán nu Diyos.

Roma 7:9

Nikuna a mabiyagák a awan ti Kautusan. Pero nikuna a matukuyan ko u Kautusan, sakay natukuyan ko a makasalananák bál sakay nahatulan ti kamatayan.