Lukas 18:37 - U Maganda A Baheta Ni Jesu-Cristo

³⁷ Kinagi de nikuna, “Magtaleb ti Jesus a taga-Nazaret.”

Lukas 18:37 Σταυροειδείς Αναφορές

Mateo 2:23

Sakay nágyan hide ti Nazaret a sakup ni Galilea tánni matupad u kinagi nu propeta tu itod pa a “Mangahanan siya a taga Nazaret.”

Lukas 18:36

Nikuna masaneg na a magtaleb u makpal a tolay ay tinanung na ni ánya i nangyariyay.

Lukas 18:38

Sakay pimmákhaw siya, “Jesus, Anak ni David! Kagbiyanák mo pay!”

Lukas 2:51

Káttapos ay nákkuyog dán ti Jesus tu dáddakál na hide a pasole ti Nazaret, sakay nagin masássunudán siya nide. Pinakatandaan nu ina na u atanan a bagay a nangyare.

Juan 1:45

Nadid ay inehyok ni Felipe ti Nataniel sakay kinagi na nikuna, “Netan mi dán u tolay a kinagi ni Moises a insulat na tu Kautusan, sakay konna be tu insulat nu prupeta hide. Siya ay ti Jesus a taga-Nazaret a anak ni Jose.”

Juan 19:19

Nagsulat be ti Pilato sakay impekáppát na tu kudus. U nedátton tu nepákkát ay, “Ti Jesus a taga-Nazaret u Hare nu Judio hide.”

Gimet 2:22

“Hikam a taga-Israel hide ay mágsaneg kam nikán! Ti Jesus a taga-Nazaret ay pinaangay nu Diyos nikam, sakay pinatunayan iye nu Diyos tu pamamag-itan nu himala hide sakay tu makataka-taka hide a ginimet na tu pamamag-itan ni Jesus. Mismo hikam u nakatukoy ti pangyayariyan iye dipo nangyare iye he nikam.

Gimet 4:10

gusto ko a matukuyan moy a atanan sakay konna be nikam a lahe ni Israel a itolayan iye a mágtaknág tu atubang moy ay nagpiyya dipo tu kapangyariyan ni Jesu-Cristo a taga-Nazaret. Siya u impaku moy tu kudus sakay binuno moy, pero biniyag siya a huway nu Diyos.

2 Corinto 6:2

Dipo kinagi nu Diyos: “Sinaneg takam tu tama a panahun, Sakay tinulungan taka tu aldew nu págligtas.” Mágsaneg kam! Nadid dán u tama a panahun! Nadid dán u aldew nu págligtas!