Lukas 18:12 - U Maganda A Baheta Ni Jesu-Cristo

¹² Pumenduwwaák a magkulasyon ti sasimba; mángngatáddák ti ikapo tu atanan a mapaghanapbuhayan ko.’

Lukas 18:12 Σταυροειδείς Αναφορές

Mateo 5:20

Kanya ikagi ku nikam a paghariyan kam la nu Diyos ni tatahoden moy a sunudán u kautusan nu Diyos. U kássunud moy tu kautusan ay dapat mas humigit pa tu págsunud nu Pariseo hide sakay tu maistu hide nu Kautusan ni Moises.”

Mateo 6:1

Kinagi pa ni Jesus “Siguraduwán moy a dyan kam la maggimet ti maganda para la ipeta tu tolay tánni puriyán di kam. Dipo awan kam ti gantimpala a maalap tu Ama moy ti langet.

Mateo 6:16

Sakay kinagi pa ni Jesus “Ni magkulasyon kam ay dyan moy ipeta a malungkut kam konna tu gággimitán nu mapagkunware hide. Awan dán hide magayus tu sadi-sadili de tán matukuyan nu agum a nagkulasyon hide sakay puriyán de hide. Kagiyán ku nikam a talaga natanggap di dán u gantimpala de hide.

Mateo 6:5

Sakay kinagi pa ni Jesus “Ni magdasal kam ay dyan moy ahigán u gimet nu mapagkunware hide. Gugustu de a magdasal a nakataknág tu sinagoga sakay tu kakarsada tánni ketan hide nu katolayan. Ikagi ku nikam a talaga naalap di dán u gantimpala de.

Mateo 9:14

Nadid immangay u disepulus ni Juan a Mágbautismo ni Jesus sakay nagtanung, “Bakin hikame sakay u Pariseo hide ay magkulasyon pero u disepulus mo hide ay awan?”

Lukas 11:42

Hikam a Pariseo hide ay kakagbi dipo maparusaan kam! Sássunudán moy u Kautusan nu Diyos a mangatád tu kasapulo a parte nu kabiyagen moy a konna tu mula-mula moy, sakay pangrikadu. Pero sa iye i nalimunan moyay a gimitán, u awan págdaya tu tolay hide sakay u tama a págmahal tu Diyos. Tama la a iyatád tu Diyos u parte na tu nabuhas moy, pero dyan moy kalimunan u mas mahalaga nan tu Kautusan.

Lukas 17:10

Konna kam labi hod, ni nagimet moy dán u atanan a inyutus nikam nu Diyos ay iye u dapat moy a kagiyán, ‘Alipin kami la; kaya ginimet mila u tungkulin me hide.’”

Roma 3:27

Kaya awan kitam ti ipagmadakál, dipo u pángturing nikitam a matuwid ay bakán a tu kássunud tam tu Kautusan, nan tu pánnampalataya tam ni Jesus.

1 Corinto 1:29

Kaya awan ti tolay a maare a magmadakál tu atubang nu Diyos.

Galacia 1:14

Sakay tungkul be tu págsunud tu relihiyon me a Judio ay mas lamangák, nan tu kaidad ko hide, dipo talaga a sinunud ko ti husto u kaugaliyan a naggábwat tu ninuno me hide.

Efeso 2:9

Bakán iye a dipo tu mágkaganda moy hide a gimet kanya awan ti mepagmadakál u deyaman.

1 Timoteo 4:8

Dipo u págsanay tu bággi ay tehhod a pakinabang, pero u págsanay tu kabanalan ay mas dakál u pakinabang, bakán la tu biyag nadid nan pate tu biyag a pademát.