Lukas 18:1 - U Maganda A Baheta Ni Jesu-Cristo

¹ Kinagi ni Jesus tu disepulus na hide u essa a talinhaga, para itoldu na nide a pirme hide a magdasal sakay dyan hide mawanan ti pag-asa.

Lukas 18:1 Σταυροειδείς Αναφορές

Lukas 11:10

Dipo u magaged ay magkahod, u magehyok ay maketa, sakay ni deya man u tumoktok ay mabukasan.

Lukas 21:36

Kaya lagi kam a handa tu atanan odas. Pirme moy a idasal a magkahod kam ti begsák tánni matággád moy u atanan a hirap a dumemát sakay nakahanda kam la a umatubang tu Anak nu Tolay.”

Roma 12:12

Sakay dipo te pag-asa kam tu biyag magsaya kam. Pagtiisan moy u hirap hide sakay palagi a manalangin.

2 Corinto 4:1

Nadid, dipo tu kagbi nu Diyos, ay pinili na kame para ti iye a tarabaho, kaya awan kame panghinaan ti isip.

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

Efeso 6:18

Sakay palagi kam a magdasal tu Diyos a tulungan nakam, sakay diyan kam magpabaya nan ipagdasal moy u atanan nu mánnampalataya hide ni Cristo, sakay palagi moy a sunudán u pággiya nu Banal a Ispirito nikam tu págdasal moy.

Filipos 4:6

Dyan kam mabalisa tu ánya man a bagay. Nan agidán moy tu Diyos u atanan nu kailangan moy tu pamamag-itan nu págdasal a tehhod a págpasalamat.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

Colosas 4:2

Dyan kam magsasawa a magdasal. Ituun moy a pirme u isip moy tu págdasal sakay lagi kam a magpasalamat tu Diyos.

1 Tesalonica 5:17

Pirme kam a magdasal.