Lukas 16:31 - U Maganda A Baheta Ni Jesu-Cristo

³¹ Pero kinagi nikuna ni Abraham, ‘Ni umád de a sunudán u insulat ni Moises sakay u insulat nu propeta hide ay awan dila be sanigán maski u essa a patay a nabiyag a huway.’”

Lukas 16:31 Σταυροειδείς Αναφορές

Lukas 16:30

Timmábbeg u mayaman, ‘Awan itod hide sapat, Ama a Abraham. Pero ni angay nide u essa a natay dán sakay nabiyag a huway ay adággan de u kasalanan de hide.’

Lukas 17:1

Kinagi ni Jesus tu disepulus na hide, “Pirme a tehhod a dahilan ni bakin a magkasala u tolay; pero makaánteng u sapitán nu tolay a pinaggábwatan ni iye a pagkakasala!

Juan 5:47

Pero ni awan kam maniwala tu insulat na, kodya kam a maniwala tu kinákkagi ko?”

Gimet 19:8

Mággangay ti Pablo tu sinagoga tu luub nu tállo a bulan sakay mabegsak u isip na a nangaral tu tolay hide. Nákpagtábbegen siya sakay impaliwanag na nide u tungkul tu pághare nu Diyos.

Gimet 26:28

Kinagi ni Hare a Agripa ni Pablo, “Akala mu beman ay maakiták mo a magin Cristiano tu badit la a odas?”

Gimet 28:23

Kanya nagtakda hide ti essa a aldew, sakay makpal u immangay tu páppágyanan ni Pablo káddemát ni itod a aldew. Saldew siya a nagpaliwanag nide sakay nángpatunay tungkul tu pághare nu Diyos. Tu pamamag-itan nu Kautusan ni Moises sakay u insulat nu prupeta hide ay ginimet na u atanan a makaya na tán maakit na hide a sumampalataya ni Jesus.

2 Corinto 4:3

Pero maski ni maliwanag u ibbbaheta me. Kumán pade iye a te tapoh dipo u netakda hide a maparusaan ay awan de maintendiyan u gusto ni iye a kagiyán.

2 Corinto 5:11

Kaya ngani, dipo te ánteng kame tu Diyos, ay gimitán me u atanan para maakit me u tolay hide a sumole nikuna. Tukoy nu Diyos u tunay me a pagkatolay, nakwa ay tukoy moy kami be.