Lukas 16:14 - U Maganda A Baheta Ni Jesu-Cristo

¹⁴ Nikuna masaneg iye nu Pariseo hide ay kinatawaan de ti Jesus dipo masássohan hide ti pilak.

Lukas 16:14 Σταυροειδείς Αναφορές

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Mateo 9:24

Kinagiyan na hide, “Lumuwas kam a atanan, awan natay u anak, nátdug la.” Pero awan naniwala u tolay hide nikuna, pinagtawaan di pa siya.

Lukas 12:15

Sakay kinagi na nide a atanan, “Magingat kam tu atanan a kalase ni kakutidan; dipo u tunay a biyag nu essa a tolay ay awan masukat tu kakpal nu yaman na.”

Lukas 20:47

Alapán de u ari-arian nu bilo hide. Sakay gusto de a itagu u mágkadukás de a gimet kaya magdasal hide ti atakdug. Iye hide a tolay ay parusaan nu Diyos ti mas madágge a parusa!”

Lukas 23:35

Mágtáknág hod u tolay hide a mággeleng, mentaras a sássestiyan siya nu puno hide nu banuwan. Kinagi de, “Inligtas na u agum, nadid ni talaga a siya u Cristo a pinile nu Diyos ay iligtas na be i sadile nae!”

Lukas 8:53

Kinatawaan di siya dipo tukoy de a patay dán u madiket.

2 Timoteo 3:2

Káddemát ni panahunan ina ay magin makasadile u tolay hide, gusto diyay ay kaowan de u atanan a pilak, hambug hide. Mágkaseste hide, masássuwayan hide tu dáddakal de, awan hide ti utang a luub, nabusong hide dipo awan hide tumengge tu Diyos.

Hebreo 11:36

U agum be ay ininsulto sakay linatigu sakay tehhod be a nekulung a nakakadena.