Lukas 16:13 - U Maganda A Baheta Ni Jesu-Cristo

¹³ Awan maare a pagsabayán a serbiyan nu essa a utusan u duwwa a amo dipo kaiyamutan na u essa sakay mahalán na u essa. Pagserbiyan na ti husto u essa sakay awan na pospusán u essa. Awan moy maare a pagsabayán a serbiyan u Diyos sakay u kayamanan.”

Lukas 16:13 Σταυροειδείς Αναφορές

Mateo 4:10

Pero inutusan ni Jesus ti Satanas “Umadeyo ka nikán Satanas. Dipo nakasulat be a ‘Sambaán mo u Panginoon a Diyos sakay siya la u sunudán mo awan dán ti agum.’”

Mateo 6:24

Sakay kinagi pa ni Jesus “Awan ti makapagserbi ti duwwa a amo dipo kaiyamután na u essa sakay mahalán na u essa oni mas magin matapat siya tu essa nan tu essa. Awan moy maare a sabayán a pagserbiyan u Diyos sakay u kayamanan.

Lukas 11:23

U awan mákkaguman nikán ay kontara nikán. U tolay a awan tumulung a pisanán u tolay hide ay siya u máng-adeyo tu tolay hide nikán.”

Lukas 14:26

“Ni deya man u masoh a sumunud nikán. Pero mas mahal na tama na sakay tena na, kabanga, anak, wáwwadi sakay u sadile na a biyag ti mas higit nikán ay awan maare a magin disepulus ko.

Lukas 16:12

Ni awan kam mapagkatiwalaan tu kayamanan nu agum ay awan kam be mapagkatiwalaan tu tatahoden a kayamanan a para nikam.

Lukas 16:9

Sakay káttapos ay kinagi ni Jesus, “Kagiyán ko nikam, gamitán moy u kayamanan moy ti lutaáy tu paggimet ti maganda tu kapareho a tolay. Maskin maubus iye ay tehhod a mangtanggap nikam tu bilay na a awan ti kahad ti langet.

Lukas 9:50

Pero kinagi ni Jesus, “Dyan moy siya sawayán, dipo u awan kontara nikam ay kaguman moy.”

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.