Lukas 15:24 - U Maganda A Baheta Ni Jesu-Cristo

²⁴ Dipo akala ko ay natay dán i anak kuwan iye, pero biyag pabballa, nawan, pero netan bila.’ Kanya nagsaya hide.

Lukas 15:24 Σταυροειδείς Αναφορές

Mateo 8:22

Pero tinábbeg siya ni Jesus “Kumuyog ka dán nikán nadid, ipabahala mu dálla u páglábbáng tu awan naniwala tu awan labe naniwala tu Diyos.”

Markos 8:22

Nadid, tu káddemát de ti Betsaida ay te sangan a tolay a nang angay tu kan Jesus ti essa a lállake a buhák, nákkekagbi hide a ni maare ay pagpiyyaán na i lállakeyan itod.

Lukas 10:19

Tandaan moy inatádden takam ti kapangyariyan a gemmakan u biklat sakay u ánnepet hide, sakay inatádden takam be ti kapangyariyan a mangtalo tu kapangyariyan ni Satanas. Sakay awan nikam ti makapangpasaket.

Lukas 15:23

Sakay alapán moy u pinatabiyan a dumalaga a baka sakay bunuwan ta kuman kitam sakay magsaya!

Lukas 15:25

Nadid, u panganay ay katoy palla tu uma de, mentaras a pademát siya tu bilay ay nasaneg na u togtugan sakay sayawan.

Lukas 15:32

Pero dapat kitam a magsaya dipo u wadi mo a akala tam ay patay dan ay nagsole a huway, pero netan bila.”

Lukas 15:4

“Ni u essa nikam ay tehhod a datos a tupa sakay nawan u essa, ánya gimitán naay? Awan beman iwahák na u siyam a pulo ay ti siyam tu parang sakay ahyukán na u nawan hanggan metan na itod?

Lukas 19:10

Dipo u Anak nu Tolay ay immangay he tánni ehyukán sakay iligtas u nágketawtaw hide.”

Lukas 9:60

Pero kinagi na nikuna, “Ipebahala mu dán tu patay hide u páglábbáng tu kasapatay de hide. Pero hiko ay angay mo ibaheta u pághare nu Diyos.”

Juan 11:25

Kinagi ni Jesus nikuna, “Hikán u mangbiyag tu patay hide, sakay hikán be u mangatád ti biyag. U maniwala nikán, maski ni matay ay huway a mabiyag.

Juan 5:21

Ni kodya a biyagán nu Ama u patay hide ay konna bi hod a biyagán nu Anak u deyaman a gusto na a biyagán.

Roma 11:15

Ni u pángpabaya nu Diyos tu Judio hide u nagin dilan tánni sumole nikuna u atanan a tolay ti munduway, awan beman mas lalo a maganda u resulta ni u Judio hide ay huway a tanggapán nu Diyos? Awan beman kumán labe hide a biniyag a huway.

Roma 12:15

Mákpagsaya kam tu masaya hide, sakay mákpaglungkut kam tu malungkut hide.

Roma 6:11

Kanya dapat moy a ibilang u sadile moy a patay dán tu kasalanan, pero biyag para tu Diyos dipo tu pákpagkaessa moy ni Cristo Jesus.

Roma 6:13

Dyan moy dán gamitán u hádya man a parte nu bággi moy tu pággimet ti kasalanan. Nan iyalay moy tu Diyos u sadile moy bilang tolay a inatádden ti bigu a biyag. Ilaan moy tu Diyos u bággi moy tu pággimet ti maganda.

Roma 8:2

Dipo tu pákpagkaessa tam ni Cristo Jesus, ay napalaya kitamon tu kapangyariyan nu kasalanan sakay kamatayan tu pamamag-itan nu kapangyariyan nu Banal a Ispirito a makapangatád ti biyag.

1 Corinto 12:26

Ni masakitan u essa a parte, ay masakitan be u atanan a bággi. Ni maparangalan u essa a parte, ay masaya hide a atanan.

Efeso 2:1

Nadid, tu itod ay inturing kam nu Diyos a patay dipo tu kássuway sakay kasalanan moy hide.

Efeso 2:5

Maske ni inturing na kitam a patay dipo tu págsuway tam ay biniyag na kitam a huway nikuna a biniyag na ti Cristo. Naligtas kam dipo la tu habag nu Diyos.

Efeso 5:14

Sakay melantad u atanan dipo tu demlag. Kaya kinagi nu Kasulatan, “Lumukag ka hiko a tidug, Umikat ka a gábwat tu patay hide tánni demlagan ka ni Cristo.”

Colosas 2:13

Tu itod, ay nebilang kam a patay dipo tu kasalanan moy hide. Pero nadid ay biniyag kamon nu Diyos a kaguman ni Cristo. Sakay pinatawad na u kasalanan tam hide.

1 Timoteo 5:6

Pero ni u bilo ay magbabalang ti kákkabiyag ay mebilang dán siya a patay maski biyag palla siya.

Judas 1:12

Makasanike sakay makasida maski ni makatubang moy la hide a kuman ni magipun-ipun kam a mánnampalataya. Dipo iye hide a tolay ay awan ti págsawa ti kákkan, awan hide mababássog sakay awan dán hide ti iba a páppospusan nan u sadi-sadile dila. U baka-bakán hide a tagapagtoldu ay kumán a diklám a iyáppah la nu pahás, awan hide ti seserbi ta awan magin uden. Kumán be hide a kayo a awan magbunga maski ni sákbunga na dán, nabagut pate u gimot na sakay talaga a natay dán.

Pahayag 3:1

“Nadid, Isulat mo iye tu anghel nu mánnampalataya hide ti Sardis: Iye u pekagi nu tehhod nikuna u pitto a gawain a Ispirito nu Diyos sakay tu pitto a biton. Tukoy ko u gimet moy; tu pangileng ay biyag kam, pero i tahoday ay patay kamon.