Lukas 15:22 - U Maganda A Baheta Ni Jesu-Cristo

²² Pero dinulaw nu ama u alipin na hide, ‘Magalisto kam! Iyangay moy he u pinakamaganda a damit sakay isulot moy nikuna. Sulutan moy siya ti sángkalan sakay sapatus.

Lukas 15:22 Σταυροειδείς Αναφορές

Lukas 15:21

Sakay kinagi nu anak nikuna, ‘Amáng, nagkasalaák tu Diyos sakay niko. Awanák dán karapat-dapat a dulawán mo a anak mo.’

Lukas 15:23

Sakay alapán moy u pinatabiyan a dumalaga a baka sakay bunuwan ta kuman kitam sakay magsaya!

Roma 13:14

Ni awan, ahigán moy u halimbawa nu Panginoon Jesu-Cristo, sakay dyan moy sunudán u makamundu a kagustuwan nu pilas.

Roma 3:22

U tolay ay inturing nu Diyos a awan ti kasalanan tu pamamag-itan nu pánnampalataya de ni Jesu-Cristo, sakay awan ti kampiyan u Diyos. Kaya u tideyaman a sumampalataya ni Jesu-Cristo ay ibilang a matuwid.

Roma 8:15

Dipo awan kam timmanggap ti ispirito nu kákkaalipin tánni huway a manteng. U tinanggap moy ay Ispirito a magin anak nu Diyos, sakay iye u mangatád nikitam ti karapatan a dumulaw nikuna a, “Ama! Ama ko!”

Galacia 3:27

U ugale ni Cristo u nesulot nikam a kumán a damit nikuna a mabawtismuwan kam nikuna.

Efeso 6:15

Kailangan a lagi kam a handa a ipangaral u Maganda a Baheta a mangatád ti kapayapaan; kumán iye a sapatus moy.

Pahayag 19:8

Nasulutan dán siya ti tunay a pudew sakay makasile a damit a lino.” U tunay a pudew a damit a lino ay u mágkaganda a gimet nu tolay hide a pinabanal nu Diyos.

Pahayag 2:17

“Ni makaintendi kam ay pakasanigán moy u kákkagiyán nu Banal a Ispirito tu gurupo nu mánnampalataya hide! U magtagumpay ay atádden ko tu netagu a manna. Sakay atádden ko siya ti mapudew a bito a sássulatan nu essa a bigu a ngahan a awan ti makatuko-tukoy maliban nikuna.”

Pahayag 3:18

Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.

Pahayag 6:11

Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.

Pahayag 7:9

Káttapos ni iye ay netan ko u tunay ti kakpal a tolay a maskin deya ay awan ti makabilang! Gábwat hide tu bawat bansa, lahe, banuwan, sakay bawat upos. Mágtaknág hide tu atubang nu trono sakay nu Tupa, a nakabadu ti mapudew sakay te táttawed a palaspas.