Lukas 14:13 - U Maganda A Baheta Ni Jesu-Cristo

¹³ Pero ni maghanda ka ti dakál a handaan, u akitán mo ay u magkahirap hide a tolay, u lumpo hide, u pilay hide, sakay u buhák hide.

Lukas 14:13 Σταυροειδείς Αναφορές

Mateo 15:30

Sakay inumangay nikuna u makpal a tahod a tolay a te tawed a pilay, buhák, bulol, sakay iba-iba pa a tolay a te sari-sare a saket. Iyadeni de hide ni Jesus sakay pinagpiyya hide ni Jesus a atanan.

Mateo 22:10

Lummuwas ngane hide tu matolay a kakarsada u utusan hide sakay kinuyog u atanan a netan de, mágkadukás sakay mágkabait. Kanya naputat nu bisita hide u lugar a pagkasalan.

Lukas 11:41

Kaya tulungan moy u magkahirap hide tu kailangan de tán magin malinis kam tu atubang nu Diyos.

Lukas 14:12

Kinagi nabe tu nangakit nikuna, “Ni mara maghanda ka ay dyan ka magakit tu barkada mo hide, u wáwwadi mo hide, u kákkapátkákka oni u magkayaman hide a kadatig mo a bilay, dipo akitán di kala be tánni magantiyan di ka.

Lukas 14:14

Ni konna he u gimitán mo ay pagpalaan ka, dipo maski ni awan hide makagante niko, u Diyos u mangatád niko ti piremyo tu kákkabiyag a huway nu tolay hide a sumunud nikuna.”

Lukas 14:21

Nagsole u utusan sakay imbaheta na iye tu amo na. Nágngál u amo sakay kinagi na tu utusan na, ‘Sigi alistuwan mo angay ka tu kakarsada sakay tu mágkapiit hide a dilan tu banuwan sakay ikuyog muhe u mágkahirap hide a tolay, u lopog hide, u buhák hide, sakay u pilay hide.’

Gimet 9:39

Kanya naghika-hika sakay nákkuyog nide ti Pedro. Káddemát na hod ay inyangay de siya tu kuwarto tu ontok. Agad a immadene nikuna u bábbey hide a bilo a makán sangitán sakay inpeta de nikuna u pággalikábkáb sakay u damit a ginággimet ni Dorcas nikuna biyag palla siya.

1 Timoteo 3:2

Pero u essa a pinuno ay kailangan a awan ti kapintasan, essa la u kabanga na, kaya a magpugád tu sadile na sakay awan pabigla-bigla. Kailangan a kagalang-galang, mágpatulos tu bilay na, sakay malalake a magtoldu.

1 Timoteo 5:10

Sakay kailangan a kilala siya dipo tu mágkaganda na a gimet. Napadakál na u anak na ti maganda a paraan, sakay masaya siya a mágpatulos tu bilay na. Nagserbiyan na u pinile hide nu Diyos, tumáttulung tu tehhod a kailangan, sakay inlaan na u biyag na tu pággimet ti maganda.

Tito 1:8

Nan masaya a magpatulos, magággustuwán tu mágkaganda a gimet, mahinahun, matapat siya a mákpággagum tu kapareho na, sumássunud tu Diyos sakay te págpugad ti sadile.

Filemon 1:7

Dipo tu págmahal mo, kapatkákka a Filemon, ay nasayaák sakay napabegsákkák. Dipo be niko ay napabegsák u mánnampalataya hide.

Hebreo 13:2

Diyan moy kalimunan a magpatulos tu dayuhan hide. Tehhod a sangan a naggimet ti konna he, nakapagpatulos hide tu anghel hide a awan de namalayan.