Lukas 13:33 - U Maganda A Baheta Ni Jesu-Cristo

³³ Pero dapat ko a itulos u lakad ko nadid, ni ilaw hanggan puwera ni ilaw. Dipo awan dapat a matay tu agum a banuwan u essa a prupeta nan ti Jerusalem la!

Lukas 13:33 Σταυροειδείς Αναφορές

Mateo 20:18

“Magsanig kam, patamo kitam ti Jerusalem. Hod ay itukyon u Anak nu Tolay tu pupuno nu saserdote hide sakay tu maisto hide nu Kautusan. Hatulannák de ti kamatayan,

Mateo 21:11

“Ti Jesus, u propeta a taga Nazaret a Galilea,” tábbeg be nu kakpalan.

Lukas 9:53

Pero awan siya tinanggap nu Samaritano hide dipo nakadisisyon dán siya a tamo ti Jerusalem.

Juan 11:54

Kanya awan dán lantad a pumeta ti Jesus tu Judio hide nan immangay siya tu lugar a adene tu kaparangan, tu essa a banuwan a ni dulawán ay Efraim. Sakay hod pahod siya a nákpágyan kaguman nu disepulus na hide.

Juan 11:9

Timmábbeg ti Jesus, “Awan beman te sapulo ay ti duwwa a odas tu maghapun? Kanya u maglakad ti aldew ay awan siya medamba, dipo metan de u demlag ti munduway.

Juan 12:35

Timmábbeg ti Jesus nide, “Sabadit dálla a panahun a makaguman moy u demlag. Kanya mabiyag kam tu demlag mentaras a hod palla he u demlag, para awan kam abután nu diham. Dipo awan tukoy nu maglakad tu kadiklámman ni hádya siya angayan.

Juan 4:34

Kinagi ni Jesus nide, “U kanán ko ay u kássunud tu kaluuban nu nángpaangay he nikán, sakay u pángtupad tu pagimet na.

Juan 9:4

Kailangan a tupadán tam u tarabaho nu nangpaangay he nikán, mentaras a magimet tam palla. Dipo dumemát dán u gibi a awan tamon magimet u ipagimet na.

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 13:27

Awan tinengge nu taga-Jerusalem hide sakay u puno de hide a ti Cristo u Tagapagligtas. Maski u Kasulatan a hula nu prupeta hide a bábbasaán de kada Aldew nu Káimang nu Judio hide ay awan de naintendiyan. Hide pa u nángpatupad ti hulaan itod nikuna hatulan de ti kamatayan ti Jesus.