Lukas 13:32 - U Maganda A Baheta Ni Jesu-Cristo

³² Pero timmábbeg siya nide, “Kagiyán moy ti mauták kan ina a magpalayasák nadid tu demonyo hide sakay magpapiyyaák palla tu tehhod hide a saket. Sakay konna la bi he u gimitán ko ni ilaw sakay tu katállo a aldew ay tapusán ko u tarabaho ko.

Lukas 13:32 Σταυροειδείς Αναφορές

Markos 6:14

Nadid ay nabaheta ni Hare a Herodes u tungkul ni Jesus, dipo kilala dán siya nu makpal a tolay. Tehhod be a magkagi a ti Juan a Mágbautismo ay nabiyag a huway kaya makagimet ti Jesus ti makataka-taka a bagay.

Juan 10:32

Pero kinagi nide ni Jesus, “Impeta ko nikam u makpal a mágkaganda a gimet a impagimet nikán nu Ama. Hádya ti iye hide u dahilan para batikalánnák moy?”

Juan 19:30

Nikuna a masápsáp dán ni Jesus u alak ay kinagi na, “Natapos dán.” Indukog na u ulo na sakay nabágsutan siya ti angás.

Hebreo 2:10

U Diyos u nanglalang tu atanan a bagay para tu kaluwalhatian na. Kanya karapat-dapat u ginimet nu Diyos a pinakultaden na a maghirap ti Jesus para magin ganap ti Jesus sakay magimet na u dapat bilang paggábwatan nu kaligtasan. Ti konna hod ay makapagtawed siya ti makpal a tolay tu kaluwalhatian na.

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

Hebreo 7:28

U napile hide tu itod a saserdote a ayun tu Kautusan ay palagi a te kahinaan dipo tolay labe hide. Pero ayon tu pananto nu Diyos kinagi na a u mismu na a Anak u magin pinakapuno a saserdote hanggan-hanggan. Sakay awan siya ti kahinaan. I panantuwan iye nu Diyos ay dimodyan a dimmemát nan u Kautusan.