Lukas 12:48 - U Maganda A Baheta Ni Jesu-Cristo

⁴⁸ Pero u alipin a awan palla makatukoy tu gusto nu amo na, sakay nakagimet ti madukás ay maparusaan pero magaan la. U pinagkatiwalaan ti makpal ay te panagutan tu mas makpal a bagay.”

Lukas 12:48 Σταυροειδείς Αναφορές

Mateo 13:12

Dipo ni ti deya u tehhod ay maatádden pa sakay sumagana siya. Pero u awan ay maalap pa u hod nikuna.

Mateo 23:14

Kakagbi kam sakay mapagkunware kam! Inalap moy u ariarian nu bábbey a bilo sakay u págdasal moy ay pinaatakdug moy para awan de mahalata u págkunware moy! Dipo tu gimet moy a iye ay lalo pa a dumagge u parusa moy!

Lukas 12:41

Káttapos ay nagtanung ti Pedro, “Panginoon, kinagi mo beman i talinhagaan iye para nikame oni para tu atanan?”

Lukas 12:49

Nadid, kinagi ni Jesus tu disepulus na hide, “Kayaák a ummangay ti munduwáy ay para mangtawed ti parusa nu Diyos tu tolay hide. Sakay nakwa ay magsapul dan u parusa de konna tu essa a apoy a maggangat dan!

Lukas 16:2

Kanya impadulaw na sakay tinanung, ‘Ánya ben i masaneg-saneg kuwáy tungkul niko? Magkuwentaan kita dán tu pángngasiwa mo. Dipo sapul nadid ay awan taka dán katiwala.’

Juan 15:22

Ni awanák he immangay a nagupos nide ay awan nakwa napatunayan a nagkasala hide. Pero nadid ay awan dán hide ti merason tu kasalanan de.

Gimet 17:30

Nalay a panahun a pinabayan nu Diyos u tolay hide tu awan de pángtengge nikuna. Pero nadid ay inyutus na tu atanan a tolay tu bawat lugar a magsise sakay adeyuwan di dán u madukás de a kákkabiyag.

1 Timoteo 1:11

Iye a adal ay neayun tu Maganda a Baheta a inyintrega nikán nu dakila sakay mapagpala a Diyos.

1 Timoteo 1:13

Maski tu itod ay pinagupusan ko ti madukás u ngahan na sakay pináppahirapan ko siya ay kinagbiyanák padi nu Diyos dipo awan ko tukoy u gagamitán ko nikuna awanák palla ti pánnampalataya nikuna.

1 Timoteo 6:20

Timoteo, pakaingatan mo u nepagkatiwala niko. Sakay adeyuwan mo u awan hide ti pinagseserbiyan a uhunan a awan neayun tu kagustuwan nu Diyos, sakay u pángngatuwiran a liwat, a tu pangileng de ay karunungan.

Tito 1:3

Sakay tu netakda a panahun ay nepakapospos na dán u upos na. Iye ay nepagkatiwala nikán nu Diyos a Tagapagligtas tam para itoldu ayun tu utus na.

Santiagu 3:1

Kákkapatkákka ko hide, awan dapat a makpal nikam u magin tagapagtoldu tu Upos nu Diyos, dipo tukoy moy dán a mas mahigpit u pághatul nikitam a tagapagtoldu hide nan tu agum.