Lukas 12:45 - U Maganda A Baheta Ni Jesu-Cristo

⁴⁵ Pero ni awan tapat u alipin ay kagiyán na tu sadile na a, ‘Malay palla a sumole u amo ko.’ Sakay sapulan na a bálbággán u agum hide a alipin a lállake pate u bábbey hide sakay mágkakanán siya sakay máglalasingán.

Lukas 12:45 Σταυροειδείς Αναφορές

Mateo 22:6

U agum ay ginábbu de u utusan hide, pinahirapan sakay binunu.

Lukas 12:44

Tandaan moy i kagiyán kuwáy, dipo tapat siya a alipin ay siya u pangintregaan nu amo na tu atanan a kabiyagan na.

Lukas 12:46

Dumemát u amo na tu odas a awan na asa-asaan sakay tu odas a awan na tukoy. Kaya ipisan siya nu amo na tu tolay hide a masassuwayan a parusaan.”

Lukas 21:34

Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa.

Juan 2:10

kinagi na, “Karanyuwan, u masarap a alak u idipalongo de a ipainom tu naimbitaan hide. Ni nakainom dán hide ay hod di la a iluwas u mababa a kalase ni alak. Pero iba ka, dipo nadid mu la a inluwas u pinakamasarap a alak.”

Gimet 2:18

Ti itod a aldew ay iyatád ko u Ispirito ko tu tagapagserbi ko hide a lállake sakay bábbey, sakay ipahayag de u Upos ko hide.

Roma 16:18

U tolay hide a konna hina ay awan magserbi tu Panginoon Jesu-Cristo, ni awan tu sadile de a hangad. Lállokuwán de la u kulang hide ti karunungan tu pamamag-itan nu mágkagaganda de a pággupos.

2 Corinto 11:20

U tatahoden, págtatiisan moy la a alipinán dikam, maski ni lokuwán dikamon, áagiwan ti kayamanan, badit-baditán dikam sakay ipasanike ay tiisán moy pade hide!

1 Tesalonica 5:7

Awan beman sáktidug ni tolay ti gibi sakay ti gibi be hide a maglasing?

2 Pedro 2:13

Iye u kagantiyan nu ginággimet de a madukás. Mahilig hide a maggimet ti kalaswaan maskin tu atubang nu katolayan. Dakál a kákkasanike sakay kapintasan u iyatád de nikam. Ikasaya de u págdaya de nikam mentaras hide ay kuman a kaguman moy tu pamágkasayaan moy.

2 Pedro 2:19

Ipáppananto de u kalayaan tu tolay hide a maakit de, pero mismo hide ay alipin nu kasalanan a mángpahamak nide. Dipo u tolay ay alipin nu ányaman a bagay a mangpugád nikuna.

Pahayag 16:6

U nangbuno tu pinile mo hide sakay tu propeta hide, ay inatádden mo ti dige tánni inumán de. Ina i dapatay nide!”

Pahayag 18:24

Pinarusaan nu Diyos u Babilonia dipo hod di hod a binuno u propeta hide a nángpahayag tu upos nu Diyos, sakay u atanan a tolay nu Diyos, sakay u agum pa a tolay ti lutaáy a binuno hod.