Lukas 12:42 - U Maganda A Baheta Ni Jesu-Cristo

⁴² Timmábbeg u Panginoon, “Ni deya u tapat sakay malalake a alipin ay siya i páng-intregaanay nu amo na tu kasabilay na hide ni tehhod siya a angayan. Siya i nakabahalaay a mangatád ti makan tu agum hide a utusan tu tama a odas.

Lukas 12:42 Σταυροειδείς Αναφορές

Mateo 13:52

Kinagi pa ni Jesus nide “Kanya atanan a maisto nu kautusan nu Diyos a magin disepulus tu kahariyan nu Diyos ay konna tu essa a makákkao tu essa a bilay. Iluwas na u dati hide sakay bigu a kayaman tu bodega na.

Mateo 20:8

Nikuna a sumaham dán u aldew, kinagi nu te kao tu ubasan tu tagapangasiwa na, ‘Dulawan mu dán u upaan hide sakay suwelduwan mo hide. Magsapul tu dimodyan hanggan tu dipalongo hide a nagtrabaho.’

Lukas 12:43

Pinagpala iye a alipin ni demáttan siya nu amo na a gággimitán na u atanan a tarabaho na.

Lukas 7:13

Pákketa nu Panginoon tu ina nu natay ay minahabag siya nikuna, kaya kinagi na nikuna, “Dyan ka dán magsanget.”

Lukas 7:19

sakay dinulaw ni Juan u duwwa tu disepulus na hide sakay pinaangay na hide tu Panginoon para magtanung ti konna he, “Hiko dán beman u impananto nu Diyos a dumemát, oni maguhay kame pa ti agum?”

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

1 Timoteo 3:15

ni mara awanák makademát a pagdaka ay tukoy mu dán u dapat a ugale nu tolay hide a kabilang dan tu pamilya nu biyag a Diyos. Dipo intiwala nikitam u tatahoden tungkul ni Cristo a kuman a hikitam u adigi sakay pundasyon nu tatahoden.

1 Timoteo 5:17

U pinuno hide a mangasiwa ti mahusay ay dapat la a tumanggap ti pággalang sakay madagdagen u suweldu de lalu dán u mángngaral hide sakay mágtoldu tu upos nu Diyos.

2 Timoteo 4:2

ipangaral mo u upos nu Diyos maski ánya a pagkakataun. Akitán mo u tolay hide, pagkagiyan sakay pabegsákkán u isip de tu pamamag-itan nu matiyaga mo a págtoldu nide.

Tito 1:7

Dipo u tungkulin nu essa a pinuno nu simbaan ay para tu Diyos, dapat a awan siya ti kapintasan. Dapat a awan siya hambug oni alisto a maiyamut sakay dapat be a awan siya máglasing, awan mággulo oni hupa ni pilak.

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Hebreo 13:7

Alalahanán moy u nangasiwa hide nikam, a nángpakapospos nikam tu upos nu Diyos. Isipán moy ni kodya hide a nabiyag hanggan a natay ate pánnampalataya. Ahigán moy u pánnampalataya de tu Diyos.

Hebreo 3:5

Nagin matapat ti Moises tu pámmahala na tu pinile hide nu Diyos bilang essa a tagapagserbi. U atanan a bagay hide a ginimet na ay mage-anino la nu bagay hide a ipahayag nu Diyos tu dumemát a panahun.

1 Pedro 4:10

Pinagkaluuben nu Diyos u balang essa nikitam ti sadile na a kakayahan, kanya gamitán tam itod a kaluub para tu kapiyyaan nu atanan bilang mahusay a katiwala tu iba-iba a kaluub nu Diyos.