Lukas 11:7 - U Maganda A Baheta Ni Jesu-Cristo

⁷ Sakay tumabbeg u barkada mo a katoy tu disalad nu bilay na ti konna he, ‘Dyanák pay istorbuwán! Nekalang dán i ganábbe sakay mágkatdug kame dán a samáttenaan. Awanák dán makaikat a mangatád niko ti kailangán muwe.’

Lukas 11:7 Σταυροειδείς Αναφορές

Mateo 25:10

Kaya lummakad u limma a awan ti tukoy a mámmadiket. Alay de a namali, dimmemát u lállake a ikasal. U limma a nakahanda ay kaguman nu lállake a ikasal a nakasáddáp tu kasalan. Sakay insirado de u pintuwan nu bilay.”

Lukas 11:6

Dimmemát biyay be u essa ko a barkada a gábwat tu lakad na, awanák ti mepakan nikuna!’

Lukas 11:8

Kagiyán ku nikam, maskin magbarkada pa hide ay awan siya umikat tan mangatad tu agidan mo. Pero dipo mamilit ka ay umikat bila siya tán mangatád maskin ánya u kailangan mo.

Lukas 13:25

Kapag insiradu dán nu makábbilay u pintuwan ay awan nakamon pasáddáppán maski ni mákkekakagbi kam pa a mágtatoktokán, maski pa ni kagiyán moy a, ‘Panginoon, kagbiyan mu kami pay a pasáddáppán.’ Pero tábbegan nakam ti konna he, ‘Awan takam matengge!’

Lukas 7:6

Kanya nákkuyog nide ti Jesus, pero nikuna adene dán siya tu bilay ay inpatagbu siya nu kapitan tu barkada na hide, sakay impekagi na iye ni Jesus, “Panginoon, pekagi ben ni kapitan a dyan ka kan dálla magabala a angay tu bilay na dipo awan kan siya karapat-dapat a angay mo bisitaán.

Galacia 6:17

Kanya sapul nadid ay diyan moy dán nakwa dagdagen i hirap kuwáy. Dipo u peklat hide tu bággi ko ay magpatunay a tagapagserbiyák ni Jesus.