Lukas 11:42 - U Maganda A Baheta Ni Jesu-Cristo

⁴² Hikam a Pariseo hide ay kakagbi dipo maparusaan kam! Sássunudán moy u Kautusan nu Diyos a mangatád tu kasapulo a parte nu kabiyagen moy a konna tu mula-mula moy, sakay pangrikadu. Pero sa iye i nalimunan moyay a gimitán, u awan págdaya tu tolay hide sakay u tama a págmahal tu Diyos. Tama la a iyatád tu Diyos u parte na tu nabuhas moy, pero dyan moy kalimunan u mas mahalaga nan tu Kautusan.

Lukas 11:42 Σταυροειδείς Αναφορές

Mateo 23:13

Nadid pinagkagiyan ni Jesus u maisto hide nu Kautusan ni Moises sakay u Pariseo hide, “Kakagbi kam! Mapagkunware kam! Hadlangán moy u tolay hide para awan hide mapaghariyán nu Diyos. Umád moy a magpasakop tu pághare nu Diyos ay hadlangan moy pa u masoh a magpasakop!

Mateo 23:23

Kakagbi kam, maisto hide nu Kautusan ni Moises sakay Pariseo hide! Mapagkunware kam! Inyatád moy u ikapo maski u págrekado a awan ti halaga pero kinalimunan moy a igimet u mas lalo a mahalaga a adal tu Kautusan: Hikam ay magin pantay tu atanan a bagay, u magin makakagbiyan sakay u katapatan. Tama ngane a mag-ikapo kam pero dyan moy be kalimunan a gimetan u mas mahalaga tu Kautusan.

Mateo 23:27

Kakagbi kam, maisto hide nu Kautusan ni Moises sakay Pariseo hide! Mapagkunware kam! U kapareho moy hide ay u pantiyong a pinaganda, maganda ngane tu luwas pero ti disalad ay putat ti buyok sakay tulang.

Lukas 18:12

Pumenduwwaák a magkulasyon ti sasimba; mángngatáddák ti ikapo tu atanan a mapaghanapbuhayan ko.’

Juan 5:42

Tukoy takam sakay tukoy ko a awan ti puso-puso moye u págmahal tu Diyos.

1 Juan 4:20

Ni ti deya man u magkagi a “Mahal ko u Diyos” pero maiyamut labe tu kapatkákka na ay mabule. Dipo ni u kapatkákka na a ketan na dán ay awan na pa mamahal, kodya na a mamahal u Diyos a awan na ketan?