Lukas 11:39 - U Maganda A Baheta Ni Jesu-Cristo

³⁹ Kinagi nikuna nu Panginoon, “Hikam a Pariseo hide, áugisan moy u luwas nu baso sakay u penggan pero u puso moy ay makasadile sakay putat ti kadukássan!

Lukas 11:39 Σταυροειδείς Αναφορές

Mateo 15:19

Dipo u gábwat tu puso u madukás a isip tu agum, pámmuno, pángngalunya, págtakaw, págsistigo ti kakabuliyan tu agum a tolay sakay págmetmet.

Mateo 7:15

Kinagi pa ni Jesus “Umiwas kam tu awan hide tatahoden a propeta. Umangay hide nikam a mapagkunware a mabait pero matapang bál hide.

Lukas 16:15

Pero kinagi ni Jesus nide, “Mapagpakunwari kam tu atubang nu katolayan, pero tukoy nu Diyos u katoy tu puso moy. Dipo u mahalaga tu tolay ay sasala nu Diyos.”

Lukas 7:13

Pákketa nu Panginoon tu ina nu natay ay minahabag siya nikuna, kaya kinagi na nikuna, “Dyan ka dán magsanget.”

Lukas 7:19

sakay dinulaw ni Juan u duwwa tu disepulus na hide sakay pinaangay na hide tu Panginoon para magtanung ti konna he, “Hiko dán beman u impananto nu Diyos a dumemát, oni maguhay kame pa ti agum?”

Juan 12:6

Kinagi na iye, bakán a dipo tu págmalasakit na tu mágkahirap hide nan dipo gusto na la a mangkupit tu pilak de. Siya u mághempás tu pilak de. Sakay kákkupitán na la itod.

Juan 13:2

Ti gibiyan itod ay nangapon di Jesus sakay tu disepulus na hide. Nemula dán ni Satanas tu isip ni Judas Iscariote a anak ni Simon a itokyon na ti Jesus.

Gimet 5:3

Kanya kinagi ni Pedro, “Ananias, bakin nagpadaig ka ni Satanas sakay nagbule-bule ka tu Banal a Ispirito? Bakin binawasan mo u naglakuwan mo tu luta?

Galacia 1:14

Sakay tungkul be tu págsunud tu relihiyon me a Judio ay mas lamangák, nan tu kaidad ko hide, dipo talaga a sinunud ko ti husto u kaugaliyan a naggábwat tu ninuno me hide.

2 Timoteo 3:5

Magkukunware hide a tehhod a pánnampalataya pero awan labe ketan tu biyag de u kapangyariyan nu Diyos. Adeyuwan mo u konna he hide a tolay.

Tito 1:15

Malinis u atanan a bagay tu tehhod a malinis a isip, pero tu mágkadukás sakay tu awan mánnampalataya ay awan ti bagay a malinis dipo madangát u konsensiya sakay u pággisipan de hide.

Santiagu 4:8

Umadene kam tu Diyos tánni umadene siya nikam. Kanya hikam a makasalanan hide, iyemang moy dán u pággagimet ti madukás, sakay u pabagu-bagu hide ti isip, diyan kamon magduwwa-duwwa ti isip a sumunud tu Diyos.