Lukas 11:34 - U Maganda A Baheta Ni Jesu-Cristo

³⁴ U mata mo u pinakangsimbu tu bággi mo. Ni maganda u pangileng mo ay mademlagan u bággi mo. Pero ni mahabuhab u pangileng mo ay madiham labe u bággi mo.

Lukas 11:34 Σταυροειδείς Αναφορές

Markos 4:12

Tánni, ‘Maski ketan de ay awan di pade maintendiyan, sakay makánsanigán man hide ay awan hide makaintendi. Dipo ni makaintendi nakwa hide ay nagsise hide tu kasalanan de hide sakay napatawad nakwa hide.’”

Markos 7:22

mangilállake, managhile, sakay pángloko, sakay mágkahalay, pághambug, sakay tu iba a gimet a madukás.

Markos 8:18

Awan kam beman ti mata? Bakin awan kam maketa? Bakin awan kam makasaneg? Nalimunan moy dán beman

Lukas 11:35

Kaya pakasiguraduwán mu la, bakay u áakalaán mo a demlag a katoy niko ay kadiklámman bál.

Gimet 13:11

Kaya maparusaan ka nadid! Mabuhák ka hanggan tu aldew a intakda nu Diyos!” Kaya pagdaka a nabate ni Elimas a kumán a tinakáppan ti mangitet a diklam u mata na sakay nagkapa-kapa siya ti mangantabay nikuna.

Gimet 2:46

Mamágpisan hide tu templo kada aldew, sakay mamágkaguman hide tu bila-bilay de a magpira-piraso tu tinapay, masaya hide a mamággatubang a kuman a maluwag tu isip de,

Gimet 26:18

Paangayán taka ti itod hide a tolay tánni mabukasan u mata de. Sakay mesole hide tu demlag gábwat tu kadiklámman, tánni meligtas hide tu kapangyariyan ni Satanas sakay isole tu Diyos. Tu pamamag-itan nu pánniwala de nikán ay mapatawad hide tu kasalanan de hide sakay mebilang hide tu pinile hide nu Diyos!’

2 Corinto 1:12

Essa a bagay u mepagmadakál me: nabiyag kame ti matuwid sakay tapat tu atubang nu atanan a tolay, lalu dán nikam. Nagimet mi iye dipo tu kagbi nu Diyos bakán a tu pamamag-itan nu karunungan nu mundu. Sakay mapatunayan nu isip me a tatahoden u ipagmadakál me.

2 Corinto 11:3

Pero mabalisaák baka malasun u isip moy sakay meadeyo kam tu tapat sakay malinis a pánnalig ni Cristo, konna ni Eva a nalinlang nu biklat.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

Efeso 1:17

Sakay u lagi ko a dasal tu Diyos nu Panginoon tam a Jesu-Cristo, u dakila a Ama, ay atádden na kam ti karunungan sakay pángngintendi gabwat tu Banal a Ispirito tánni makilala moy siya ti husto.

Efeso 6:5

Hikam a alipin hide, sunudán moy u amo moy hide a tehhod a pággalang, ánteng sakay katapatan a kumán be ati Cristo u pinagserbiyan moy.

Colosas 3:22

Alipin hide, sunudán moy tu atanan a bagay u amo moy ti lutaáy. Te maketa man oni awan, magtrabaho kam, bakán a para kasayaan kam nu tolay nan dipo tapat kam sakay te ánteng tu Panginoon.