Lukas 11:31 - U Maganda A Baheta Ni Jesu-Cristo

³¹ Tu Aldew nu Pághatul ay tumaknág u Reyna a taga-abagatan, sakay hatulan na ilahe yan iye a dapat a maparusaan. Dipo gábwat siya tu suluk ni munduwáy pero immangay siya tánni mágsaneg tu karunungan ni Solomon; pero mas pa ni Solomon u katoy he!

Lukas 11:31 Σταυροειδείς Αναφορές

Mateo 12:42

Káddemát nu aldew nu pághatul nu Diyos ay tumaknág be u Reyna nu banuwan a Sheba sakay hatulan na kam. Dipo adeyo a lugar u ginábwatan na para la mágsaneg tu karunungan ni Solomon. Sakay nadid mas higiták pa ni Solomon tapos awanák moy sanigán.”

Lukas 3:22

sakay ummogsad nikuna u Banal a Ispirito a konna tu kalapate. Essa a boses u gábwat ti langet u nasaneg de a nagupos, “Hiko u pinakamamahal ko a anak; masayaák niko a tahod.”

Lukas 9:35

Sakay te boses a nagupos tu panganurin, “Iye u Anak ko a pinile ko, sanigán moy siya!”

Roma 2:27

Kanya maski hikam a Judio hide sakay nature, patunayan nu bakán hide a Judio a dapat kam a parusaan. Dipo maski awan hide ture sakay awan nide u Kautusan ay sássunudán di labe. Pero hikam a makatukoy tu Kautusan ay lumabag labe ti iye.

Hebreo 11:7

Dipo tu pánnampalataya ay sinaneg ni Noe u babala nu Diyos tungkul tu bagay hide a mangyare a awan na palla netan. Kanya naggimet siya ti essa a dakál a abang tán maligtas siya sakay u pamilya na. Dipo hod ay nahatulan u tolay hide ti munduway, pero ti Noe ay nebilang a matuwid dipo tu pánnampalataya na tu Diyos.