Lukas 11:22 - U Maganda A Baheta Ni Jesu-Cristo

²² Pero ni kalabanan sakay taluwán siya nu mas mabegsák nikuna ay alapán na u armas a áasaan na hide a pangdipensa pate u kabiyagen na hide sakay ipagatád na iye hide.

Lukas 11:22 Σταυροειδείς Αναφορές

Lukas 11:21

Mara ni tehhod a essa a tolay a mabegsák a magbantay tu bilay na sakay kompleto ti armas ay talaga a awan ti makaalap tu kabiyagen na hide.

Lukas 11:23

U awan mákkaguman nikán ay kontara nikán. U tolay a awan tumulung a pisanán u tolay hide ay siya u máng-adeyo tu tolay hide nikán.”

Efeso 6:11

Gamitán moy u atanan a armas a inyatád nu Diyos nikam tánni malabanan moy u patibung hide nu diyablo.

Efeso 6:13

Kanya isulot moy u atanan a armas a inyatád nu Diyos nikam. Tánni tu aldew a dumemát u kadukássan ay magimet moy a mákpaglaban. Sakay káttapos nu pákpaglaban moy ay matatag kam padi tu pánnampalataya moy.

Colosas 2:15

Tu pamamag-itan nu kákkatay na tu kudus, ay natalo na ti Satanas sakay u mágkadukas hide a ispirito a pamunuwan na. Sakay impeta na tu atanan a hide ay awan dán ti kaya a mamuno nikitam Iye u katunayan a nagtagumpay siya.

1 Juan 3:8

U magtulos-tulos a maggimet ti kasalanan ay kaessa ni Satanas dipo sapul pa tu itod ay mággagimitán dán siya ti kasalanan. Kaya ummangay he u Anak nu Diyos ay para sidaán u gimet ni Satanas.

1 Juan 4:4

Anak ko hide, kao kamon nu Diyos sakay napagtagumpayan moy dán u liwat hide a prupeta. Dipo u Ispirito a katoy nikam ay mas makapangyariyan nan u ispirito a katoy ti munduway.