Lukas 11:18 - U Maganda A Baheta Ni Jesu-Cristo

¹⁸ Ni tehhod a gurupo a mamágdadema tu kaharian ni Satanas ay kodya iye a magtulos-tulos? Sakay kagiyán moy a nagpalayasák tu dimonyo hide tu pamamag-itan nu kapangyariyan ni Beelzebul.

Lukas 11:18 Σταυροειδείς Αναφορές

Mateo 10:25

U madanas nu tagapagtoldu ay madanas labe nu disepulus na. Madanas labe nu utusan u madanas nu amo. Ni hikán a tagapagtoldu moy ay nginahanan de a Satanas mas grabe u ingahan de nikam a disepulus ko hide.”

Mateo 12:26

Kanya ni palayasán ni Satanas ti Satanas ay kalabanán na u sadili na. Masida u kahariyan na.

Mateo 4:10

Pero inutusan ni Jesus ti Satanas “Umadeyo ka nikán Satanas. Dipo nakasulat be a ‘Sambaán mo u Panginoon a Diyos sakay siya la u sunudán mo awan dán ti agum.’”

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Lukas 11:15

Pero kinagi nu agum, “Ti Beelzebul a pinuno nu demonyo hide u nangatád nikuna ti kapangyariyan a mágpalayas tu demonyo hide.”