Lukas 10:17 - U Maganda A Baheta Ni Jesu-Cristo

¹⁷ Káttapos ni pangyayariyan iye ay nagsole a tuna't saya u pitto a pulo ay ti duwwa a disepulus. Kinagi de, “Panginoon, maski u demonyo hide ay summunud nikame ni utusan mi hide tu ngahan mo.”

Lukas 10:17 Σταυροειδείς Αναφορές

Mateo 4:24

Kanya nasaneg nu totolay hide tu buo a lugar a Siria u ginimet ni Jesus a makataka-taka hide. Inyangay de nikuna atanan nu te saket hide, u hinayup hide, u mágpatay hide sakay u awan dán hide makaahikad. Pinagpiyya hide a atanan ni Jesus.

Markos 16:17

U sumampalataya hide ay atádden ti kapangyariyan a maggimet ti makataka-taka a bagay: tu ngahan ko ay magpalayas hide ti mágkadukás a ispirito sakay makapagupos hide ti iba-iba a upos.

Lukas 10:1

Nadid, káttapos ni itod ay nángpile dámman u Panginoon ti pitto a pulo ay ti duwwa a disepulus. Sakay pinágdipalongo na hide ti tágdaduwwa a umangay tu balang banuwan sakay tu lugar a angayan na.

Lukas 10:20

Pero dyan kam magsaya ta napasunud moy u mágkadukás hide a ispirito nan magsaya kam dipo nelista dán u ngaha-ngahan moy ti langet.”

Lukas 10:9

Pagpiyyaán moy u tehhod hide a saket hod sakay kagiyán moy nide, “Adene kamon a paghariyan nu Diyos.”

Lukas 9:1

Nadid, dinulaw ni Jesus u sapulo ay ti duwwa a disepulus sakay inatádden na hide ti kapangyariyan a magpalayas ti madukás a ispirito sakay magpapiyya tu tehhod hide a saket.

Roma 16:20

U Diyos a pinaggábwatan ni kapayapaan ay adene nadán a puksaán u kapangyariyan ni Satanas tu pamamag-itan moy. Pagpalaán kam nu Panginoon Jesus.

Efeso 5:24

Kanya ni kodya a magpasakup ni Cristo u mánnampalataya hide, ay konna be hod u bábbey hide dapat a pasakup tu kákkabanga de hide tu atanan a bagay.