Lukas 10:16 - U Maganda A Baheta Ni Jesu-Cristo

¹⁶ Ni deya man u mangsaneg nikam ay hikán i sinaneg diyay sakay u awan mangtanggap nikam ay hikán i awan diyay tinanggap. U awan mangtanggap nikán ay awan di be tinanggap u nangutus nikán a umangay he.

Lukas 10:16 Σταυροειδείς Αναφορές

Mateo 10:40

Kinagi pa ni Jesus nide “Ni ti deya u mangtanggap nikam ay tinanggapák di be. Sakay u mangtanggap nikán ay tinanggap de u Ama a nangutus nikán.

Mateo 18:5

Sakay ni deya man a tumanggap tu essa a anak a kona he dipo bakán a hikán bale hikán u tinanggap na.”

Markos 9:37

“Ni deya man u mangtanggap ti anakáy a konna he dipo nikán ay tinanggapák na sakay u mangtanggap nikán ay tumanggap be tu ama a nángpaangay he nikán.”

Lukas 9:48

Sakay kinagi na nide, “Ni deya man u mangtanggap ti anakan iye alang-alang nikán ay hikán u tinanggap na, sakay ni deya man u mangtanggap nikán ay mangtanggap be tu nangutus nikán a umangay he. U mapagpakumbaba nikam a atanan ay siya u pinakadakila.”

Juan 12:44

Kinagi ni Jesus ti mabegsák, “U maniwala nikán ay bakán la a hikán u pinaniwalaan na nan pate be tu nangpaangay he nikán.

Juan 12:48

Tehhod a manghatul tu umád a mangtanggap tu toldu ko. U upos a ipáppangaral ko u manghatul nide tu dimodyan a aldew.

Juan 13:20

Kagiyan ko nikam u tatahoden: U mangtanggap tu tolay hide a inutusan ko ay timmanggap nikán, sakay u mangtanggap nikán ay mangtanggap tu nángpaangay he nikán.”

Gimet 5:4

Nikuna awan palla nelako u luta, awan beman kao mo itod? Sakay nikuna melaku dán, awan beman kao mo? Bakin naisipan mo pa a gimitán itod? Awan ka nagbule-bule tu tolay nan tu Diyos ka a nagbule-bule!”

Galacia 4:14

Pero maskin nahirapan kam ti husto tu págkasakit ko ay tiniisák moy, awanák moy inadiyan nan tinanggapák moy a kumán a anghel nu Diyos. Tinanggapák moy pa ngane a kumán a ti Jesu-Cristo.

1 Tesalonica 4:8

Kaya ni ti deya man u mangadi ti iye a adal ay bakán a tolay u inadiyan na nan u Diyos a náng-atád nikam tu Banal na a Ispirito.