Lukas 10:11 - U Maganda A Baheta Ni Jesu-Cristo

¹¹ “Maske u alikabuk nu banuwan moy a pimmakkat tu tika-tikád me ay pagpagán me bilang babala nikam. Pero iye u pakaisipán moy, inatádden kamon ti pagkakataun a mapagharian nu Diyos!

Lukas 10:11 Σταυροειδείς Αναφορές

Mateo 10:14

Ni u tolay hide tu essa a bilay oni banuwan ay awan mágsaneg nikam ay ipagpag moy u alikabuk tu tikatikád moy sakay lakaden moy hide.

Mateo 10:7

Itoldu moy nide a ‘Adeni dán a maghare u Diyos nikitam.’

Mateo 3:2

Kinagi na “Adággen moy u kasalanan moy dipo adeni dán a maghare u Diyos nikitam.”

Markos 6:11

Ni umád dikam a tanggapán oni awan kam sanigán nu tolay hide tu essa a lugar ay lumakad kam hod sakay ipagpag moy u alikabuk tu tikád moy, tanda itod a parusaan hide nu Diyos tu awan de pánniwala nikam.”

Lukas 10:10

Pero ni awan dikam tanggapan tu essa a banuwan ay lumuwas kam tu dilan sakay kagiyán moy,

Lukas 10:9

Pagpiyyaán moy u tehhod hide a saket hod sakay kagiyán moy nide, “Adene kamon a paghariyan nu Diyos.”

Lukas 9:5

Ni mara awan dikam be tanggapán ti itona a banuwan ay lumakad kam hod. Bagu kam a humektat ay ipagpag moy pa u alikabuk nu tika-tikád moy, bilang paalaala kontara nide.”

Gimet 13:26

Kinagi pa ni Pablo, “Kákkapatkákka ko hide a gábwat tu lahe ni Abraham, sakay hikam a Hentil a tehhod a anteng tu Diyos. Sanigánnák moy, hikitam u nángpatawidan nu Diyos tu Maganda a Baheta tungkul tu kaligtasan.

Gimet 13:40

Kanya magingat kam tánni awan mangyare nikam u kinagi nu prupeta hide,

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Gimet 13:51

Kanya impagpag nu duwwa u alikabuk tu tikád de ti itod a banuwan bilang tanda a awan dán hide ti pananagutan nide, sakay immangay hide ti Iconio.

Roma 10:21

Pero tungkul dámman tu Israel, iye u kinagi nu Diyos: “Tu buo a maghapun ay palagiyák a mágdadulawán sakay maguhay tu essa a banuwan a maigát ti pággisipan sakay masássuwayán.”

Roma 10:8

Pero kinagi nu Kasulatan, “U upos nu Diyos ay adene niko, sakay mágyan dán ti puso moye sakay impahayag dán nu labi-labi moy.” (U gusto na a kagiyán ay u upos a impangaral me tungkul tu pánnampalataya.)

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.