Lukas 1:49 - U Maganda A Baheta Ni Jesu-Cristo

⁴⁹ Dipo dakila u Diyos, kanya makpal a mágkaganda a bagay u ginimet na tu biyag ko. Malinis siya!

Lukas 1:49 Σταυροειδείς Αναφορές

Markos 5:13

Pimmayag ti Jesus, immibut u mágkadukás a ispirito tu lállake sakay simmáddáp hide tu kababuyan. Káttapos ay nággaginanán a padegson u mahigit a duwwa a libu a babuy tu tunay ti langkaw a pang-pang a diri-diretso a sinumegbu tu dinom kanya nágkalimás hide.

Lukas 1:48

Dipo awanák pinabayan nu Panginoon maski ni mababaák la a utusan! Sapul nadid ay dulawanák nu atanan a tolay a pinágpala.

Lukas 1:50

U kagbi na ay para tu atanan tolay sakay tu atanan a lahe a tehhod a ánteng nikuna.

Efeso 3:20

Nadid, puriyán tam u Diyos a makagimet tu higit pa tu agidán sakay isipán tam hide, tu pamamag-itan nu kapangyariyan na a magahikad nikitam.

Pahayag 15:4

Maskin deya ay manteng niko Panginoon! Atanan ay mángpahayag tu kadakilaan mo! Dipo hiko la u banal! U atanan a bansa ay umadene sakay sumamba niko, dipo netan nu atanan u gimet mo a banal.”

Pahayag 4:8

Tággánnám u pakpak nu nilalang hide a biyag sakay putat ti mata u bawat essa tu atubang sakay tu adág de. Sakay awan hide ti imang a mágkakansiyonán aldew ay ti gibi ti konna he: “Banal, banal, banal, u Panginoon a Diyos a makapangyariyan tu atanan. U Diyos tu sapul, Diyos nadid sakay Diyos tu pademát.”