Juan 9:6 - U Maganda A Baheta Ni Jesu-Cristo

⁶ Nadid, tu pákkakagi na ti iye ay linoktaben na u luta sakay ginimet na a lusak, sakay inpahid na tu mata nu buhák.

Juan 9:6 Σταυροειδείς Αναφορές

Markos 7:33

Inyadeyo pa ni Jesus u lállake tu tolay hide, sakay káttapos ay insulot na u magtembang na a toldu tu magtembang be a talinga nu lállake. Káttapos ay nagloktab ti Jesus sakay inpahid na u loktab na tu dila nu lállake.

Markos 8:23

Kanya kinabitan ni Jesus u buhák a limmuwas tu baryo, káddemát de tu luwas. Linoktaben na u mata nu buhák káttapos ay intupo na u kamát na tu buhák sakay tinanung na, “Tehhod ka dám beman a ketan?”

Juan 9:11

Timmábbeg siya, “U lállake a ngángngahanan de a Jesus ay naggimet ti lusak. Impahid na iye ti mata kuwáy sakay kinagi na a umangayák tu dinom ni Siloam sakay magidemos. Kanya immangayák hod nagidemos, sakay káttapos ay naketaák dán.”

Pahayag 3:18

Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.