Juan 9:29 - U Maganda A Baheta Ni Jesu-Cristo

²⁹ Tukoy me a nagupos u Diyos ni Moises, pero u tungkul ti tolayan itona ay awan me tukoy ni hádya siya a gábwat.”

Juan 9:29 Σταυροειδείς Αναφορές

Mateo 12:24

Pero nikuna nasaneg iye nu Pariseo hide ay kinagi de “Kanya mapalayas na u demonyo hide dipo inatádden siya ti kapangyariyan ni Satanas.”

Mateo 26:61

sakay nagkagi, “Kinagi ni tolayan ina a sidaán na u templo sakay ayusán na tu katállo a aldew.”

Lukas 23:2

Sakay sinapulan de a sihiyán siya, kinagi de, “Napatunayan me a sássulsulan ni tolayan iye u kalugaran me hide a magribeldi. U tolay hide ay binábbawalan na a magbayad ti buwes para ni Cesar a hare ti Roma. Sakay páppaniwalaán na pa u tolay hide a siya u Cristo, a essa a hare.”

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 7:27

Pero tukoy tam ni hádya siya a gábwat, pero u Tagapagligtas a dumemát ay awan ti makatukoy ni hádya siya gábwat.”

Juan 7:28

Mentaras a magtoldu ti Jesus tu templo ay kinagi na ti mabegsák, “Tatahoden beman a matenggiyák moy sakay tukoy moy ni hádyaák a gábwat? U tatahoden ay awanák he immangay tu sadile kula a kagustuwan. U tunay a Diyos u nangpaangay he nikán, pero awan moy siya matengge.

Juan 8:14

Timmábbeg ti Jesus, “Maski ni hikán la i mángpatunayay ti sadile kuwáy ay tatahoden i kákkagiyán kuwáy, dipo tukoy ko ni hádyaák a naggábwat sakay ni hádyaák angayan. Pero hikam ay awan moy tukoy ni hádya naggábwatan kuway sakay ni hádyaák angayan.

Juan 9:16

Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus.

Juan 9:24

Kanya huway a impadulaw nu Judio hide u buhák sakay kinagi de nikuna, “Isumpa mo tu atubang nu Diyos a tatahoden u ikagi mo nikame. Awan maare a ti Jesus u nángpapiyya niko, ta makasalanan siya a tolay.”

Juan 9:30

Timmábbeg u lállake, “Magtakaák nikam! Ta awan moy tukoy ni hádya siya a gábwat, pero pinagpiyya na u mata ko.

Gimet 22:22

Nágsaneg hide ni Pablo, pero pákkakagi na ti konna hod ay nagpákhawan hidi ti husto a, “Bunuwán moy tolayan itona! Awan siya dapat a mabiyag!”

Gimet 26:22

Pero maskin nikan ay awanák pinabayan nu Diyos, kanya katoyák he nadid a magpatunay tungkul nikuna tu atanan a tolay, mababa man oni u mágkataas hide a tolay. Awanák ti itáttoldu ni awan u kinagi la nu prupeta hide sakay ni Moises,

Gimet 7:35

Saiye ti Moises a awan tinanggap nu kasa Israelita na hide a nagkagi, ‘Ti deya u nángdátton niko para magin pinuno me sakay tagahatul me?’ Pero ti Moises u ginimet nu Diyos a puno sakay tagapagligtas tu tulung nu anghel a pimmeta nikuna tu badit a kayo.

Hebreo 1:1

Tu itod a panahun ay nákpágguhon u Diyos tu ninuno tam hide tu iba-iba a pagkakataun sakay iba-iba a paraan tu pamamag-itan nu prupeta hide.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.