Juan 9:22 - U Maganda A Baheta Ni Jesu-Cristo

²² Konna hod u kinagi nu dáddakál hide nu lállake dipo tu ánteng de tu pinuno nu Judio hide. Dipo nagkasunduwan nu pinuno hide a ni ti deya man u maniwala ni Jesus a siya u Cristo ay awan di dán tanggapán tu bilay a págsambaan de.

Juan 9:22 Σταυροειδείς Αναφορές

Lukas 6:22

Pinagpala kam ni kaiyamutan dikam, palayasán, insultuwán sakay kagiyan de a madukas kam dipo tu Anak nu Tolay.

Juan 1:19

Nadid ti Juan ay nagbawtismo tu tolay hide ti Bitania. Nagutus u puno nu Judio hide ti Jerusalen tu agum hide a Saserdote sakay Levita, kinagi de a, “Tanungán moy ni siya dán i tagapagligtasay.”

Juan 16:2

Dumemát u odas a awan kamon tanggapán nu kasa-Judio moy hide tu sinagoga. Sakay dumemát u odas a ni deyaman u mangbuno nikam ay magakala a págserbi dán itod tu Diyos.

Juan 19:38

Káttapos ni iye, ti Jose a taga-Arimatea ay immangay tu kán Pilato para mák-aged ti permiso a mangalap tu bangkay ni Jesus. (Ti Jose ay essa a disepulus ni Jesus, pero lihim la dipo manteng siya tu pinuno nu Judio hide.) Sakay pinakultaden siya ni Pilato; kanya inalap na u bangkay ni Jesus.

Juan 20:19

Nadid, nikuna a gibi dán ti aldiwan itod nu Simba ay naipun u disepulus hide ni Jesus. Ingkandadu de u pintuwan hide dipo tu ánteng de tu pinuno nu Judio hide. Bigla a dimmemát ti Jesus sakay timmaknág tu bállog de, sakay kinagi na, “Magkahod kam nakwa ti kapayapaan.”

Juan 7:13

Pero awan ti nagupos tungkul nikuna ti bulgaran, dipo tu ánteng de tu puno nu Judio hide.

Juan 9:18

Pero umád pade a maniwala nu puno nu Judio hide a siya u date a buhák. Kanya impadulaw de u dáddakál na hide,

Juan 9:21

Pero awan me tukoy ni kodya siya nadid a naketa sakay ni ti deya u nagpapiyya nikuna. Siya dálla u tanungán moy. Te idad dám be siya kanya siya dalla u magupos para tu sadili na.”

Juan 9:34

Timmábbeg u pinuno hide, “Neenak ka a makasalanan, sakay mabegsák pa i pággisipan muwe a mangaral nikame!” Sakay binawalan de siya a sumáddáp tu bilay a págsambaan de.

Juan 9:35

Nikuna a nabaheta ni Jesus a binawalan de a sumáddáp tu bilay a págsambaan u lállake a date a buhák, inehyok na u lállake. Sakay nikuna a ketan na siya ay tinanung na, “Maniwala ka beman tu Anak nu Tolay?”

Gimet 4:18

Kanya impadulaw de a huway di Pedro sakay ti Juan sakay kinagiyan di hide a diyan magupos oni magtoldu tungkul ni Jesus.

Gimet 5:13

Pero manteng a mákkuyog u awan hide mánnampalataya maski ni tehhod hide a respeto nide.

Gimet 5:40

Pinadulaw de a huway u apostol hide sakay káttapos de hide a impabálbág sakay binawalan a mangaral tu ngahan ni Jesus ay pinalakad di dán hide.

Pahayag 21:8

Pero makaánteng u demáttán nu tolay hide a awan nagtiwala ni Jesus dipo tu ánteng de a matay, u awan hide summampalataya, u mágkadangát hide ti gággimitán, u mágbabono hide, u mángngibábbey oni mángngilállake hide, u mágdipoh hide, u mágsamba hide ti diyos-diyosan, sakay u atanan a mágkabule. Ibut hide tu kumán a diget a magapoy-apoy a asupre. Sa iye u kaduwwa a kákkatay.”