Juan 9:16 - U Maganda A Baheta Ni Jesu-Cristo

¹⁶ Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus.

Juan 9:16 Σταυροειδείς Αναφορές

Mateo 12:10

Hod ay naketa siya ti tolay a te essa a kamát a awan dán magahikad. Tinanung siya nu Pariseo hide tánni mabintang de siya “Maari wád tu Kautusan a magpapiyya tu te saket tu Aldew nu Káimang?”

Mateo 12:2

Nikuna netan hide nu Pariseo hide ay kinagi de ni Jesus “Ilingán mo u gággimitán nu disepulus mo hide. Bawal ina tu Aldew nu Káimang.”

Lukas 13:14

Pero nágngál u puno nu sinagoga dipo nagpapiyya ti Jesus tu Aldew nu Káimang, kaya kinagi na tu tolay hide, “Tehhod a ánnam a aldew a nelaan para tu págtarabaho. Umangay kam ti aldiwan ina para mapagpiya u bábbatiyan moy, bakán a tu Aldew nu Káimang.”

Juan 10:19

Dipo ti kinagiyan iye ni Jesus ay nagkahod dámman ti págtalo-talo u Judio hide.

Juan 14:11

Maniwala kam tu kinagi ko, a hikán ay hod tu Ama sakay u Ama ay hod nikán. Ni umád moy a maniwala ti kinagi kuwan iye ay maniwala kam dipo tu ginággimet ko hide.

Juan 15:24

Ni awanák naggimet tu atubang de ti makataka-taka a awan magimet nu ti deyaman, maare de a kagiyan a awan hide ti kasalanan. Pero nadid te kasalanan hide, ta maski ni netan de u ginimet ko a makataka-taka, ay naiyamut hide nikame ay tu Ama ko.

Juan 2:11

I nangyariyan iye ti Cana tu prubinsiya ni Galilea u kadipalonguwan a makataka-taka a ginimet ni Jesus. Sakay ti iye a ginimet na ay impeta na u kapangyariyan na, sakay naniwala nikuna u disepulus na hide.

Juan 3:2

Essa a gibi ay immangay siya tu kán Jesus sakay kinagi na, “Maisto, tukoy me a hiko ay essa a tagapagtoldu a gábwat tu Diyos, ta awan ti makagimet tu makataka-taka hide a ginimet mo, liban la ni hod nikuna u Diyos.”

Juan 5:10

Kanya kinagi nu Judio hide tu lállake a nagpiyya, “Awan beman aldew nadid nu Káimang? Labag tu Kautusan u págtawed mo tu kákkatdugen mo!”

Juan 5:36

Pero tehhod a mángpatunay tungkul nikán a mas higit tu patunay ni Juan, u gimet hide a ipagimet nikán nu Ama, sakay siya be u gággimitán ko. Ina u mangpatunay a pinaangayák na he.

Juan 6:52

Dipo he ay namágtalu-talo u Judio hide a nágsaneg ni Jesus. Kinagi de, “Kodya a meatád nikitam ni tolayan iye i bággi naáy para kanán tam?”

Juan 7:12

Sakay u tolay hod hide ay garabi u pángbábbaheta de ni Jesus. U agum ay magkagi, “Mabait siya a tolay.” Kagi be nu agum ay, “Awan, lállokuwán nala u tolay hide.”

Juan 7:23

Nadid, ni u essa a anak ay maare a turiyán tu Aldew nu Káimang para awan malabag u utus ni Moises, bakin a magingál kam nikán dipo pinagpiyya ko u essa a tolay tu Aldew nu Káimang?

Juan 7:43

Kanya iba-iba u pánniwala nu tolay hide tungkul ni Jesus.

Juan 9:24

Kanya huway a impadulaw nu Judio hide u buhák sakay kinagi de nikuna, “Isumpa mo tu atubang nu Diyos a tatahoden u ikagi mo nikame. Awan maare a ti Jesus u nángpapiyya niko, ta makasalanan siya a tolay.”

Gimet 14:4

Kanya nahate u tolay hide tu banuwan, u agum ay pimmisan tu Judio hide sakay u agum be ay tu apostol hide.