Juan 8:58 - U Maganda A Baheta Ni Jesu-Cristo

⁵⁸ Timmábbeg ti Jesus, “Kagiyan ko nikam u tatahoden: Bagu pa a neenak ti Abraham ay atnaák dán.”

Juan 8:58 Σταυροειδείς Αναφορές

Juan 10:25

Timmábbeg ti Jesus nide, “Kinagi ku dán nikam, pero umád moy be a maniwala. U ginággimet ko a makataka-taka tu ngahan nu Ama ko u mangpatunay tungkul nikán.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Juan 17:5

Kanya nadid, Ama ay atáddinák mo ti karangalan a konna tu karangalan ko nikuna a hodák palla niko tu itod bagu a lalangán i munduway.

Juan 8:24

Kanya tatahoden u kinagi ko nikam a mágkatay kam a awan napatawad u kasalanan moy. Ni awan kam maniwala tu kinagi ko a, ‘Hikán ngane u pinaangay he nu Diyos,’ matay kam a talaga tu kasalanan moy hide.”

Juan 8:28

Kanya kinagi ni Jesus, “Ni ilangkawák moy dán a Anak nu Tolay ay hod moy palla a matukuyan a hikán ngane u Cristo. Sakay matukuyan moy be u atanan a bagay a ginimet ko sakay u kinagi ko ay ayun tu ipagimet sakay ipekagi nikan nu Ama.

Juan 8:34

Timmábbeg ti Jesus, “Kagiyán ko nikam u tatahoden, alipin nu kasalanan u atanan a nagkasala.

Juan 8:51

Kagiyan ko nikam u tatahoden: U deyaman a mangtupad tu toldu ko ay awan mata-matay.”

Colosas 1:17

Bagu pa a lalangán u atanan a bagay ay katoy dán ti Cristo, sakay tu pamamag-itan na u atanan a nilalang ay manatile tu kaayusan de.

Hebreo 13:8

Maski nikan ay awan magbabagu ti Jesu-Cristo. Ni ánya siya tu itod ay konna labe siya nadid sakay hanggan-hanggan.

Pahayag 1:11

Kinagi na a, “Isulat mo u atanan a ketan mo, sakay ipatawed mo tu pitto a grupo nu mánnampalataya hide: ti Efeso, Esmirna, Pergamo, Tiatira, Sardis, Filadelfia, sakay ti Laodicea.”

Pahayag 1:8

Kinagi nu Panginoon a Diyos, “Hikán u Alpa sakay u Omega.” U Sapul sakay Katapusan nu atanan a bagay. Siya u Diyos a hoddán hina tu sapul pa, sakay katoy hanggan nadid, sakay hanggan-hanggan. Siya u Diyos a makapangyariyan tu atanan.

Pahayag 2:8

“Nadid, isulat mo iye tu anghel nu mánnampalataya hide ti Esmirna: Iye u pekagi nu Sapul ay tu Katapusan, u natay sakay nabiyag a huway.