Juan 8:43 - U Maganda A Baheta Ni Jesu-Cristo

⁴³ Awan moy naintendiyan u kinagi ko, dipo awan moy matanggap u toldu ko.

Juan 8:43 Σταυροειδείς Αναφορές

Mateo 13:15

Dipo inumigát dán u isip moy sakay awan dán mágsaneg u talinga moy. Sakay inkiháp moy dán u mata moy. Ni awan moy ina hide ginággimet ay maketa kam nakwa tu mata moy sakay makasaneg kam nakwa tu talinga moy. Sakay maintendiyan nakwa nu isip moy tánni angay kam nikán para pagpiyyaán takam.’

Juan 5:25

Pakatandaan moy iye, dumemát u odas, nadid dán ngane, a masaneg nu patay hide u boses nu Anak nu Diyos, sakay u mágsaneg nikuna ay mabiyag.

Juan 5:43

Immangayák he tu pamamag-itan nu Ama ko, pero umáddák moy a tanggapán. Pero ni te iba a angay he magtoldu nikam ayun tu sadile na la a kagustuwan ay tanggapán moy siya.

Juan 6:60

Nikuna a masaneg iye nu disepulus hide ni Jesus ay makpal nide u nagkagi, “Madágge i itoldu nae. Ti deya u makaintendi ti iye?”

Juan 7:17

Ni deyaman u masoh a sumunud tu kagustuwan nu Diyos ay matukuyan na u itáttoldu ko, ni gábwat tu Diyos oni gábwat la tu sadile ku a kagustuwan.

Juan 8:27

Awan de naintendiyan a u kagiyán ni Jesus nide ay tungkul tu Ama.

Juan 8:33

Timmábbeg hide ni Jesus, “Gábwat kame tu lahe ni Abraham, maski nikan ay awan kame nagin alipin ni deyaman. Kodya mo a makagi a palayaán kame?”

Juan 8:39

Kinagi nu tolay hide, “Ti Abraham u ama me!” Timmábbeg ti Jesus, “Ni tatahoden a anak kam ni Abraham ay inaheg moy nakwa u mágkaganda na a gimet.

Gimet 7:51

Talaga makásseng ulo moye! Awan palla nabagu i isip moye! Umád moy a sanigán u tatahoden! Ni ánya u ginimet nu dáddakál moy hide, ay itod be i gággimitán moyay. Masássuwayán kam a pirme tu Banal a Ispirito.

Roma 3:11

Awan ti makaintendi tungkul tu Diyos, awan ti nagsikap para matenggi siya.