Juan 8:38 - U Maganda A Baheta Ni Jesu-Cristo

³⁸ Kagiyán ko nikam u bagay hide a ketan ko Nama ko, sakay hikam be gimitán moy be u natukuyan moy nama moy.”

Juan 8:38 Σταυροειδείς Αναφορές

Mateo 3:7

Pero pákketa ni Juan a makpal a miyembro nu Pariseo sakay Saduseo u umadeni nikuna para magpabawtismo ay pinagkagiyan na hide “Hikam a mágkadukás a tolay, deya u nagkagi nikam a ni magpabawtismu kam ay maiwasan moy u parusa nu Diyos?

Juan 14:10

Awan ka beman maniwala a hikán ay hod tu Ama sakay u Ama ay hod nikán? U kákkagiyán ko nikam ay awan gábwat nikán nan tu Ama a hod nikán. U bagay hide a gággimitán ko ay siya be u maggimet dipo siya ay hod nikán.

Juan 14:24

U awan mangmahal nikán ay awan sumunud tu upos ko. Sakay u upos a nasaneg moy ay awan gábwat nikán nan gábwat tu Ama a nangpaangay he nikán.

Juan 17:8

Dipo intoldu ko nide u atanan a intoldu mo nikán sakay tinanggap di iye. Siguradu hide a talaga gábwaták niko sakay maniwala hide a pinaangayák mu he.

Juan 3:32

Kakkagiyan na u netan na sakay u nasaneg na ti langet, pero sasangan la u maniwala tu kinákkagi na.

Juan 5:19

Kinagi nide ni Jesus, “Dapat moy a matukuyan a awan ti gimitán u Anak tu sadile na la nan u gimitán na la ay u ketan na a gimitán nu Ama. U gággimitán nu Ama ay siya la be u gággimitán nu Anak.

Juan 5:30

Kinagi pa ni Jesus, “Awanák ti gimitán a ayun la tu sadile ko a kagustuwan. Maghatulák a ayun tu kinagi nikán nu Ama, kanya tama u hatul ko, bakán a u sadile ko a kaluuben u sunudán ko nan u kaluuben nu nangpaangay he nikán.

Juan 8:26

U tatahoden ay makpalák pa a makagi sakay mehatul kontara nikam. Awanák ti ikagi tu tolay hide ti munduway liban tu ipekagi nikán nu nangpaangay he nikán. Sakay mapagkatiwalaan u kinagi na hide.”

Juan 8:41

U gággimitán moy ay gággimitán nu ama moy a essa.” Timmábbeg hide ni Jesus, “Bakán kame a mungaw. U Diyos u Ama me!”

Juan 8:44

Ti Satanas u ama moy. Sakay ni ánya u gusto na ay itod u gusto moy be a gimitán. Mágbabono siya sapul pa tu sapul, sakay umád na u tatahoden dipo awan u tatahoden nikuna. Dipo ugale na dán a mágbabuli-buliyán dipo mabule siya, sakay siya u naggábwatan nu atanan kakabuliyan.