Juan 8:29 - U Maganda A Baheta Ni Jesu-Cristo

²⁹ Pirme ko a kakaguman u nangpaangay he nikán, sakay awanák na páppabayan a mágge-essa, dipo pirme ko a gimitán u bagay hide a makasaya nikuna.”

Juan 8:29 Σταυροειδείς Αναφορές

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 3:15

Pero tinábbeg siya ni Jesus, “Pabayan mo padla a mangyari iye nadid. Dipo tu gimitán ta nadid ay matupad ta u atanan a utus nu Diyos a gimitán ta.” Kanya pinumayag ti Juan a bawtismuwan na ti Jesus.

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Juan 14:31

Pero dapat a matukuyan nu tolay hide a mahal ko u Ama, kanya gimitán ko u inyutus na nikán. Kadtamon, lumakad kitamon he.”

Juan 15:10

Ni sássunudán moy u utus ko ay manatile kam tu págmahal ko. Konna nikán, sássunudán ko u utus nu Ama, kanya manatiliyák tu págmahal na.

Juan 16:32

Pero dumemát u odas a mamághiwewalay kam sakay magsoliyan tu bila-bilay moy, sakay iwahakák moy a mággeessa. Pero maski konna hod ay te kagumanák pade dipo kaguman ko u Ama.

Juan 17:4

Impakapospos ku dán u karangalan mo he ti munduwáy, dipo natupad ku dán u impatarabaho mo nikán.

Juan 4:34

Kinagi ni Jesus nide, “U kanán ko ay u kássunud tu kaluuban nu nángpaangay he nikán, sakay u pángtupad tu pagimet na.

Juan 5:30

Kinagi pa ni Jesus, “Awanák ti gimitán a ayun la tu sadile ko a kagustuwan. Maghatulák a ayun tu kinagi nikán nu Ama, kanya tama u hatul ko, bakán a u sadile ko a kaluuben u sunudán ko nan u kaluuben nu nangpaangay he nikán.

Juan 6:38

Dipo immogsadák a gábwat ti langet, bakán a para gimitán ko u sadile ko a kagustuwan nan u kagustuwan nu Ama ko a nangpaangay he nikán.

Juan 8:16

Pero ni maghatulák tu tolay ay tatahoden u hatul ko, ta bakán la a hikán u manghatul, nan kaguman ko u Ama ko a nángpaangay he nikán.

2 Timoteo 4:17

Pero awanák pinabayan nu Diyos, inataddinák na ti begsak isip tánni mepakapospos ko tu Hentil hide a mágsaneg tu upos na. Kaya naligtasák tu hatul nu kamatayan.

2 Timoteo 4:22

Aguman ka nakwa nu Panginoon Diyos sakay pagpalaán na ka.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

1 Juan 2:1

Anak ko hide, insulat ko iye hide nikam tánni awan kam magkasala. Pero ni magkasala man u deyaman ay te mángsuhog nikitam, u Ama. Siya ay ti Jesu-Cristo, u Matuwid.

1 Juan 3:22

Matanggap tam u ánya man a agidán tam nikuna dipo sássunudán tam u utus na sakay gággimitán tam u makasaya nikuna.