Juan 8:28 - U Maganda A Baheta Ni Jesu-Cristo

²⁸ Kanya kinagi ni Jesus, “Ni ilangkawák moy dán a Anak nu Tolay ay hod moy palla a matukuyan a hikán ngane u Cristo. Sakay matukuyan moy be u atanan a bagay a ginimet ko sakay u kinagi ko ay ayun tu ipagimet sakay ipekagi nikan nu Ama.

Juan 8:28 Σταυροειδείς Αναφορές

Mateo 24:5

Dipo makpal a umangay tu ngahan ko sakay magkagi a, ‘Hikán u Mesias!’ Sakay makpal hide a metawtaw.

Markos 13:6

Dipo makpal a dumemát a magkukunware a hide u Cristo kaya makpal hide a metawtaw.

Lukas 21:8

Timmábbeg ti Jesus, “Magingat kam tánni awan kam metawtaw nu agum a tolay! Makpal u dumemát a magkagi a hide u Mesias sakay magkagi, ‘Hikán u Cristo,’ sakay ‘Dummemát dán u panahun!’ Dyan kam maniwala nide.

Juan 11:42

Tukoy ko a pirmiyák mo a sanigán. Kaya ko iye a kinagi ay dipo ti tolayáy hide, para maniwala hide a hiko u nángpaangay he nikán.”

Juan 13:19

Kagiyán ku dán iye nikam nadid bagu a mangyare, para ni mangyare dán iye ay maniwala kam a hikán ngane u Cristo.

Juan 16:10

Male hide tungkul tu pagkamatuwid dipo angayák dán tu Ama sakay awanák moy dán keketan.

Juan 18:32

Nangyari iye para matupad u kinagi ni Jesus, tungkul tu kákkatay na a danasán na.

Juan 19:18

Impako di hod ti Jesus tu kudus kaguman na u duwwa a lállake, essa tu kawanan sakay essa tu kawihe, hod ti bállog ti Jesus.

Juan 3:11

Kagiyan ko niko u tatahoden: Ikákkagi me u natukuyan me a mapatunayan me, pero awan moy iye tinanggap.

Juan 3:14

Sakay ni kodya a inlangkaw ni Moises tu itod u ulag tu kaparangan, konna bi hod, nikán a Anak nu tolay ay dapat be a ilangkaw,

Juan 4:26

Kinagi ni Jesus nikuna, “Hikán dán iye a mismo i kagiyán muwe.”

Juan 5:19

Kinagi nide ni Jesus, “Dapat moy a matukuyan a awan ti gimitán u Anak tu sadile na la nan u gimitán na la ay u ketan na a gimitán nu Ama. U gággimitán nu Ama ay siya la be u gággimitán nu Anak.

Juan 5:30

Kinagi pa ni Jesus, “Awanák ti gimitán a ayun la tu sadile ko a kagustuwan. Maghatulák a ayun tu kinagi nikán nu Ama, kanya tama u hatul ko, bakán a u sadile ko a kaluuben u sunudán ko nan u kaluuben nu nangpaangay he nikán.

Juan 6:38

Dipo immogsadák a gábwat ti langet, bakán a para gimitán ko u sadile ko a kagustuwan nan u kagustuwan nu Ama ko a nangpaangay he nikán.

Juan 8:24

Kanya tatahoden u kinagi ko nikam a mágkatay kam a awan napatawad u kasalanan moy. Ni awan kam maniwala tu kinagi ko a, ‘Hikán ngane u pinaangay he nu Diyos,’ matay kam a talaga tu kasalanan moy hide.”

Juan 8:27

Awan de naintendiyan a u kagiyán ni Jesus nide ay tungkul tu Ama.

Juan 8:58

Timmábbeg ti Jesus, “Kagiyan ko nikam u tatahoden: Bagu pa a neenak ti Abraham ay atnaák dán.”

Gimet 2:41

Makpal u naniwala tu mensahe na sakay nagpabawtismo hide a agad. Ti itod a aldew ay mga tállo a libu a tolay u nedagdag tu mánnampalataya hide.

Gimet 4:4

Pero maskin konna he u nangyare nide ay makpal u simmampalataya tu págtoldu de. Ummabut ti limma a libu u simmampalataya hide a lállake.

Roma 1:4

Sakay ti Jesu-Cristo ay napatunayan a siya u Anak nu Diyos nikuna a biniyag siya a huway ayun tu kapangyariyan nu Banal a Ispirito.