Juan 8:23 - U Maganda A Baheta Ni Jesu-Cristo

²³ Kinagi ni Jesus nide, “Hikam ay taga he ti munduwan iye, hikán ay awan. Hikam ay taga sidung, hikan ay taga ontok.

Juan 8:23 Σταυροειδείς Αναφορές

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 17:14

Intoldu ku dán nide u upos mo. Tunay u ingál nu taga-mundu hide nide, dipo awan dán hide makamundu a konna nikán a bakán a makamundu.

Juan 17:16

Awan hide makamundu, konna nikán a awan tagamundu.

Juan 3:13

Awan ti maski ni ti deya man u nakaangay ti langet liban nikán a Anak nu tolay a gábwat ti langet.”

Juan 3:31

Nadid ay kinagi pa ni Juan, “U gábwat ti langet ay kataasan ti atanan sakay u gábwat ti munduway ay magupos tungkul tu bagay hide ti munduway. Ti Jesus a gábwat ti langet ay siya u kataasan ti atanan.

Santiagu 4:4

Hikam a awan tapat tu Diyos! Awan moy beman tukoy a ni pahalagaan tam u bagay hide ti munduway ay kadima tam u Diyos? Kanya u ti deyaman a sumunud tu madukás a gimet nu tolay ti munduway ay kadima nu Diyos.