Juan 8:17 - U Maganda A Baheta Ni Jesu-Cristo

¹⁷ Awan beman nakasulat tu Kasulatan moy, a ni te duwwa a magpatunay ti maski ánya a kagimet ay tanggapán moy a tatahoden.

Juan 8:17 Σταυροειδείς Αναφορές

Mateo 18:16

Pero ni umád siya sumanig, mángkuyog ka pa ti essa o duwwa a kapatkakka para u atanan nu pinaguhonan moy ay mapatunayan nu duwwa o tállo a sestigo.

Juan 10:34

Timmábbeg ti Jesus, “Awan beman nakasulat tu Kautusan a kinagi nu Diyos a, ‘Kinagi ko, hikam ay Diyos’?

Juan 15:25

Ti ginimet diyan iye ay natupad u nesulat tu Kasulatan a, ‘Maiyamut hide nikán a awan ti rason.’”

2 Corinto 13:1

Nadid, iye u katállo ko a káangay hina nikam. Kinagi tu Kasulatan. “U ánya man a kaso ay kailangan a tehhod a duwwa oni tállo a magtistigu.”

Galacia 3:24

Kanya ngane u Kautusan u itáttoldu nikitam hanggan tu káddemát ni Cristo, para matukuyan tam ani dumemát dán siya ay dapat kitam a sumampalataya nikuna dipo meturing kitam la a matuwid tu pamamag-itan nu pánnampalataya tam nikuna.

Galacia 4:21

Sa iye u tanung ko nikam, hikam a te gusto a pasakup tu Kautusan: awan moy beman nasaneg u kinagi nu Kautusan?

Hebreo 10:28

Ayun tu patunay nu duwwa oni tállo a tistigu, u sumuway tu Kautusan ni Moises ay awan ti habag a bunuwán.

1 Juan 5:9

Ni maniwala kitam tu págpatunay nu tolay hide, ay dapat mas paniwalaan tam u págpatunay nu Diyos. Dipo siya mismo u nangatád ti tálluwan iye a patunay tungkul tu Anak na.

Pahayag 11:3

Paangayán ko hod u duwwa ko a tistigu a nakabadu ti pangluksa sakay ipahayag de u upos nu Diyos tu alay nu 1,260 a aldew.”