Juan 7:37 - U Maganda A Baheta Ni Jesu-Cristo

³⁷ Nadid, tu dimodyan a aldew a pinakamahalaga a kasayaan nu Judio hide, timmaknág ti Jesus sakay kinagi na ti mabegsák, “U deyaman a mauwaw ay umadene nikán sakay uminom.

Juan 7:37 Σταυροειδείς Αναφορές

Mateo 11:28

Umadeni kam nikán u pagud sakay nadággiyan hide, dipo atádden ta kam ti imang.

Mateo 3:3

Ti Juan u kinagi ni propeta Isaias tu itod pa a “Te magtoldu a mabegsák tu kaparangan. Itoldu na a dapat ihanda mo u sadili mo a tumagbu tu Panginoon.”

Mateo 5:6

Pinagpala nu Diyos u tolay hide a masoh a tahod a manggimet tu kaluuben nu Diyos, dipo hide u tulungan nu Diyos tánni magimet de u kaluuben na.

Juan 1:23

Timmábbeg ti Juan, “Hikán u tolay a kinagi ni Propeta Isaias tu itod. Nikuna a kinagi na, ‘Masaneg u pákhaw nu essa a tolay tu parang,’ Kagiyán na, ‘Ayusán moy u lakadán nu Panginoon.’”

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 4:10

Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.”

Juan 4:11

Kinagi nu bábbey nikuna, “Panginoon, madisalad i bal-ungáy sakay awan ka ti pangsalduk. Hádya ka a mangalap ti dinom a makapangatád ti biyag?

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Juan 5:40

pero umád moy a umadene nikán para maalap moy nakwa u biyag a awan ti kahád.”

Juan 6:35

Kinagi ni Jesus nide, “Hikán u tinapay a mangatád ti biyag. U deyaman a umadene sakay maniwala nikán ay awan magaláp oni mauwaw a hanggan-hanggan.

Juan 6:37

Pero maski ni ti deya u iyatád nu Ama ko sakay pasakup nikán ay awan ko siya palayasán.

Juan 6:55

Dipo u bággi ko, u tunay a makan sakay u dige ko u tunay a áinumán.

Juan 7:28

Mentaras a magtoldu ti Jesus tu templo ay kinagi na ti mabegsák, “Tatahoden beman a matenggiyák moy sakay tukoy moy ni hádyaák a gábwat? U tatahoden ay awanák he immangay tu sadile kula a kagustuwan. U tunay a Diyos u nangpaangay he nikán, pero awan moy siya matengge.

1 Corinto 10:21

Awan kam maare a mák-enom tu baso nu Panginoon sakay tu baso nu dimonyo hide. Awan kam maare a mákkan tu lamisaan nu Panginoon sakay tu lamisaan nu dimonyo hide.

1 Corinto 10:4

Sakay imminom be hide tu dinom a inyatád nu Diyos, a gábwat tu Bito. I bituwan itod ay ti Cristo a mangkuyoyog nide.

1 Corinto 11:25

Konna labi hod, káttapos de a nangapon ay tinawiden na u baso sakay kinagi na, “Iye u baso nu bigu a kasunduwan a pinatunayan nu dige ko. Kada inumán moy iye, ay gimitán moy bilang pággala-ala moy nikán.”

1 Corinto 12:13

Dipo atanan tam, maskin Judio oni ni Griego, alipin man oni malaya, ay nabawtismuwan tu eessa a Ispirito tánni magin essa a bággi. Sakay atanan tam ay nakatanggap tu eessa a Ispirito.

Efeso 5:18

Sakay dyan kam máglalasingán, dipo makasida ina ti maganda a kákkabiyag. Nan pilitán moy a u kapangyariyan nu Banal a Spirito u maghare nikam.

Pahayag 21:6

Sakay kinagi na pa, “Natupad dán! Hikán u Alpa sakay u Omega, u sapul ay tu katapusan nu atanan. Ni deya man u mauwaw ay atádden ko ti dinom a awan ti bayad a gábwat tu bukal a makapangatád ti biyag a awan ti kahád.

Pahayag 22:1

Nadid, impeta be nikán nu anghel u konayan a makapangatád ti biyag. Tunay a lekmang u dinom a kumán a bubug. Gábwat iye a konayan tu trono nu Diyos sakay nu Tupa.

Pahayag 22:17

Kinagi nu Banal a Ispirito sakay u Bábbey a ikasal, “Karon he!” Sakay atanan a makasaneg ti iye ay magkagi be a, “Karon he!” Umadene u atanan a mauwaw; mangalap u masoh tu dinom a makapangatád ti biyag, awan iye ti bayad.