Juan 7:23 - U Maganda A Baheta Ni Jesu-Cristo

²³ Nadid, ni u essa a anak ay maare a turiyán tu Aldew nu Káimang para awan malabag u utus ni Moises, bakin a magingál kam nikán dipo pinagpiyya ko u essa a tolay tu Aldew nu Káimang?

Juan 7:23 Σταυροειδείς Αναφορές

Mateo 12:10

Hod ay naketa siya ti tolay a te essa a kamát a awan dán magahikad. Tinanung siya nu Pariseo hide tánni mabintang de siya “Maari wád tu Kautusan a magpapiyya tu te saket tu Aldew nu Káimang?”

Mateo 12:2

Nikuna netan hide nu Pariseo hide ay kinagi de ni Jesus “Ilingán mo u gággimitán nu disepulus mo hide. Bawal ina tu Aldew nu Káimang.”

Mateo 12:5

O awan moy beman a nabasa be tu Kasulatan a u saserdote ay magtarabaho tu Aldew nu Káimang pero awan hide nagkasala?

Juan 5:10

Kanya kinagi nu Judio hide tu lállake a nagpiyya, “Awan beman aldew nadid nu Káimang? Labag tu Kautusan u págtawed mo tu kákkatdugen mo!”

Juan 7:21

Kinagi nide ni Jesus, “Essa palla a makatakataka u ginimet ko ay nagtaka kamon dipo tehhodák a pinagpiyya a essa tu Aldew nu Káimang.

Juan 9:16

Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus.