Juan 7:15 - U Maganda A Baheta Ni Jesu-Cristo

¹⁵ Nagtaka nikuna u pinuno nu Judio hide, sakay kinagi de, “Kodya na a matukuyan i bagayan iye hide, awan bi siya nakapagiskuwela?”

Juan 7:15 Σταυροειδείς Αναφορές

Mateo 13:54

Nagsoli ti Jesus tu banuwan na sakay nagtoldu siya tu sinagoga de. Nagtaka u nakasaneg hide sakay kinagi de “Hádya wád siya nakaalap tu karunungan na sakay kapangyariyan na a maggimet ti himala?

Mateo 22:22

Nagtaka hide nikuna nasaneg de iye sakay linumakad hide.

Mateo 22:33

Sakay nikuna nasaneg iye nu tolay hide ay nagtaka hide tu toldo na.

Lukas 2:47

Nagtaka u atanan a nakasaneg tu katalinuwan na a magtábbeg.

Lukas 4:22

Pinure siya nu atanan a tolay sakay nagtaka hide dipo malalake siya a magupos. Kinagi de, “Awan beman ina u anak ni Jose?”

Juan 1:19

Nadid ti Juan ay nagbawtismo tu tolay hide ti Bitania. Nagutus u puno nu Judio hide ti Jerusalen tu agum hide a Saserdote sakay Levita, kinagi de a, “Tanungán moy ni siya dán i tagapagligtasay.”

Juan 7:11

Ti kasayaanay a itod ay inehyok siya nu Puno nu Judio hide. “Hádya wád siya?” Kagi de.

Juan 7:13

Pero awan ti nagupos tungkul nikuna ti bulgaran, dipo tu ánteng de tu puno nu Judio hide.

Juan 7:46

Timmábbeg hide, “Nadid kami palla a nakasaneg ti konna nikuna a magupos.”

Gimet 26:24

Mentaras a magupos ti Pablo ay kinagi ni Festo ti mabegsák, “Magaheng ka dán Pablo! Nasubraan ka dán ti talino kanya ka nagaheng-aheng!”

Gimet 4:13

Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod.