Juan 7:12 - U Maganda A Baheta Ni Jesu-Cristo

¹² Sakay u tolay hod hide ay garabi u pángbábbaheta de ni Jesus. U agum ay magkagi, “Mabait siya a tolay.” Kagi be nu agum ay, “Awan, lállokuwán nala u tolay hide.”

Juan 7:12 Σταυροειδείς Αναφορές

Mateo 10:25

U madanas nu tagapagtoldu ay madanas labe nu disepulus na. Madanas labe nu utusan u madanas nu amo. Ni hikán a tagapagtoldu moy ay nginahanan de a Satanas mas grabe u ingahan de nikam a disepulus ko hide.”

Mateo 21:46

Dakáppan de nakwa siya, pero nanteng hide tu tolay, dipo tinenggi de a propeta ti Jesus.

Mateo 27:63

Kinagi de nikuna, “Mahal mi a gobernador, naalala mi a kinagi nu mapagkunware an itod nikuna a biyag padla siya a huway siya mabiyag kállipas nu tállo a aldew.

Lukas 18:19

Timmábbeg ti Jesus, “Bakin dinulawák mo a mabait? Awan ti mabait maliban tu Diyos.

Lukas 23:47

Nikuna ketan nu kapitan nu sundalo hide u nangyare ay nagpure siya tu Diyos. “Talaga a malinis i tolayan iye!” kagi na.

Lukas 23:50

Nadid, te essa a lállake a Jose u ngahan na. Taga-Arimatea siya a sakup nu banuwan nu Judea. Mabait sakay malinis iye a tolay sakay kaguman tu maguhay hide tu paghare nu Diyos. Maski ni kagawad siya nu Sanedrin ay awan siya sang-ayun tu ginimet de ni Jesus.

Lukas 6:45

Konna labi iye tu tolay, u mabait a tolay ay makapangatád ti maganda dipo mabait siya. U madukás a tolay ay makapangatád ti madukás dipo putat ti kadukássan u puso na. Dipo ni ánya u lumuwas tu labi nu tolay ay siya labe u atoy tu puso na.”

Lukas 7:16

Neántingan hide a atanan sakay nagpure hide tu Diyos. Kinagi de, “Dummemát dán nikitam u dakila a prupeta. Immangay he u Diyos para tulungan na kitam a tolay na hide.”

Juan 6:14

Nikuna a mapatunayan nu tolay hide u makataka-taka hide a ginimet ni Jesus ay kinagi de, “Siguradu a sadán iye u prupeta a pinaangay he ti munduwáy!”

Juan 7:32

Nikuna a nasaneg nu Pariseo hide u pamágguhunan nu tolay hide tungkul ni Jesus, u pinuno nu Saserdote hide ay nagutus ti guwardiya tu templo para dakáppán ti Jesus.

Juan 7:47

Kinagi nu Pariseo hide, “Ni konna hod ay pati dán hikam ay naloko dán be ni tolayan itod?

Juan 7:52

Tinábbeg de ti Nicodemo, “Taga-Galilea ka beman be? Adalán mo u Kasulatan, para ketan mo a awan ti propeta a maggábwat ti Galilea.”

Juan 9:16

Kinagi nu sangan a Pariseo, “Bakán a gábwat tu Diyos i tolayan iye, dipo awan na sinunud u utus tungkul tu Aldew nu Káimang.” Pero kinagi be nu agum, “Ni makasalanan siya a tolay, kodya siya a makagimet tu konna he a makataka-taka a bagay?” Awan hide namágkasungdu tu áisipán de tungkul ni Jesus.

Gimet 11:24

Mabait a tolay ti Bernabe, sakay u Banal a Ispirito u giyya na tu biyag na sakay matibay u pánnampalataya na kanya makpal pa u tolay a naakit tu Panginoon.

Roma 5:7

Bihira a mangyare a iyalay nu essa a tolay u biyag na para tu essa a matuwid a tolay. Maare labe a tehhod a magbegsák-isip a máng-atád tu biyag na para tu mabait a tolay.

Filipos 2:14

Gimitán moy u atanan a bagay a awan ti reklamo sakay pamágtabbegan.