Juan 6:69 - U Maganda A Baheta Ni Jesu-Cristo

⁶⁹ Maniwala kame niko sakay tukoy me a hiko u Banal a pinaangay he nu Diyos.”

Juan 6:69 Σταυροειδείς Αναφορές

Mateo 16:16

Timmábbeg ti Simon Pedro, “Hiko u Cristo, u Anak nu Diyos a biyag.”

Markos 1:1

Nadid, iye u Maganda a Baheta tungkul ni Jesu-Cristo, u Anak nu Diyos.

Markos 1:24

“Ánya pák-alam muway nikame, Jesus a taga-Nazaret? Immangay kabe man he para puksaán mu kame? Tukoy taka, hiko u Banal a gábwat tu Diyos.”

Markos 8:29

Tinanung hide ni Jesus, “Ay hikam deyaák tu pangisip moy?” Timmábbeg ti Pedro, “Hiko ti Cristo.”

Lukas 9:20

Sakay tinanung na hide a huway, “Ay hikam, ánya be u makagi moy tungkul nikán?” “Hiko u Cristo a inpananto nu Diyos!” Kagi ni Pedro.

Juan 1:29

Nadid, tu essa a aldew ay netan ni Juan ti Jesus a paadene nikuna, kanya kinagi na tu tolay hide, “Atoy dán u Tupa nu Diyos a iyalay para mangibut tu kasalanan nu tolay ti munduway!

Juan 1:41

Kanya tu kadimadimangan ay inehyok a agad ni Andres u kapatkákka na a ti Simon sakay kinagi na nikuna, “Netan me u Mesias.” (U gusto a kagiyán ni iye a upos ay Cristo.)

Juan 10:36

bakin moy a kagiyán a lapastanganán ko u Diyos dipo tu kinagi ko a hikán ay Anak nu Diyos? Piniliyák nu Ama sakay pinaangayák na he ti munduwáy.

Juan 11:27

Timmábbeg ti Marta, “On Panginoon, maniwalaák a hiko u Cristo, u Anak nu Diyos, a inuhay me a pademát he ti munduwáy.”

Juan 20:28

Kinagi ni Tomas nikuna, “Hiko ngane u Panginoon ko sakay Diyos ko!”

Juan 20:31

Pero i libruwan iye ay nesulat para maniwala kam a ti Jesus u Cristo a Anak nu Diyos. Ni maniwala kam nikuna, ay magkahod kam ti biyag a awan ti kahád.

Gimet 8:36

Nagtulos-tulos hide tu páglakbay de hanggan nakademát tu lugar a tehhod a dinom. Kinagi nu pinuno, “Tehhod he a dinom, maariyák mu dán beman a mabawtismuwan?”

Roma 1:3

ay tungkul tu Anak na, u Panginoon tam a ti Jesu-Cristo. Nikuna a nagin tolay siya ay neenak siya a gábwat tu lahe ni hare a David.

Efeso 4:13

Tánni hikitam a atanan ay magkaessa tu pánnampalataya sakay tu pákkatukoy tu Anak nu Diyos, sakay tánni magin awan kitam ti kapintasan a konna ni Cristo.

1 Juan 4:16

Tukoy tam a mahal kitam nu Diyos, sakay pinagtiwalaan tam iye a tatahoden. U Diyos ay págmahal. U tolay a pirme a magmahal ay nákpagkaessa tu Diyos sakay nákpagkaessa be u Diyos nikuna.

1 Juan 5:1

Ni maniwala kitam a ti Jesus u Cristo a sinugu nu Diyos, ay anak kitam ngane nu Diyos. Sakay ni ti deya man u magmahal tu Ama ay magmahal be tu kapareho de a anak nu Ama.

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.