Juan 6:68 - U Maganda A Baheta Ni Jesu-Cristo

⁶⁸ Timmábbeg ti Simon Pedro, “Panginoon ti deya pa beman angayan miyay? Katoy dán niko u upos a makapangatád ti biyag a awan ti kahád.

Juan 6:68 Σταυροειδείς Αναφορές

Mateo 16:16

Timmábbeg ti Simon Pedro, “Hiko u Cristo, u Anak nu Diyos a biyag.”

Markos 8:29

Tinanung hide ni Jesus, “Ay hikam deyaák tu pangisip moy?” Timmábbeg ti Pedro, “Hiko ti Cristo.”

Lukas 9:20

Sakay tinanung na hide a huway, “Ay hikam, ánya be u makagi moy tungkul nikán?” “Hiko u Cristo a inpananto nu Diyos!” Kagi ni Pedro.

Juan 12:49

Dipo u itáttoldu ko ay bakán a gábwat tu sadile ku la nan gábwat tu Ama a nangpaangay he nikán. Siya u nagutus tu kagiyán ko.

Juan 12:50

Sakay tukoy ko u utus na hide ay mangatád ti biyag a awan ti kahád. Kanya ni ánya u ipekagi nu Ama, ay itod la u kákkagiyán ko nikam.”

Juan 17:8

Dipo intoldu ko nide u atanan a intoldu mo nikán sakay tinanggap di iye. Siguradu hide a talaga gábwaták niko sakay maniwala hide a pinaangayák mu he.

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Juan 6:63

U Ispirito nu Diyos u mangatád ti biyag; awan iye magimet nu tolay. U upos hide a kinagi ko ay gábwat tu Ispirito a makapangatád ti biyag.

Gimet 13:26

Kinagi pa ni Pablo, “Kákkapatkákka ko hide a gábwat tu lahe ni Abraham, sakay hikam a Hentil a tehhod a anteng tu Diyos. Sanigánnák moy, hikitam u nángpatawidan nu Diyos tu Maganda a Baheta tungkul tu kaligtasan.

Gimet 4:12

Awan dan ti iba a makapangatád ti kaligtasan, dipo awan ti iba a pinaangay he u Diyos ti lutaáy para iligtas u tolay hide nan ti Jesus la.”

Gimet 5:20

“Angay kam tu templo sakay ipangaral moy tu tolay hide u tungkul tu bigu a kákkabiyag.”

Gimet 7:38

Ti Moises u kaguman nu nuno tam hide tu parang. Siya u nákpágguhon tu anghel a nákpágguhon nikuna sakay tu ninuno tam hide tu Buked a Sinai. Siya u tummanggap tu upos hide a makapangatád ti biyag a gábwat tu Diyos para iyatád nikitam.

Gimet 8:37

Kinagi nikuna ni Felipe, “Maare taka a bawtismuwan ni tunay u pánnampalataya mo tu Panginoon Jesu-Cristo.” Timmábbeg siya, “Maniwalaák a ti Jesu-Cristo u anak nu Diyos.”