Juan 6:54 - U Maganda A Baheta Ni Jesu-Cristo

⁵⁴ Pero u kuman tu bággi ko sakay uminom tu dige ko ay magkahod ti biyag a awan ti kahád, sakay biyagán ko siya a huway tu katapusan a aldew.

Juan 6:54 Σταυροειδείς Αναφορές

Juan 4:14

pero u uminom tu dinom a iyatád ko ay awan dán mauwa-uwaw. Dipo u dinom a iyatád ko ay konna tu essa a hábwayan a awan makakatiyan. Sakay u tolay a tumanggap ti iye ay magkahod ti biyag a awan ti kahád.”

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Juan 6:47

Kagiyan ko nikam u tatahoden: U maniwala nikán ay tehhod a biyag a awan ti kahád.

Juan 6:55

Dipo u bággi ko, u tunay a makan sakay u dige ko u tunay a áinumán.

Juan 6:63

U Ispirito nu Diyos u mangatád ti biyag; awan iye magimet nu tolay. U upos hide a kinagi ko ay gábwat tu Ispirito a makapangatád ti biyag.

Galacia 2:20

Kumánnák a nepako sakay natay tu kudus a kaguman ni Cristo tu kudus. Bakán dán a hikán u mabiyag tu sadile ko nan ti Cristo dán. Mentaras biyagák ay mabiyagák ayun tu pánnampalataya tu Anak nu Diyos a nangmahal nikán sakay náng-alay tu biyag na para nikán.