Juan 6:50 - U Maganda A Baheta Ni Jesu-Cristo

⁵⁰ Pero awan matay u deyaman a kuman ti makan a gábwat ti langet.

Juan 6:50 Σταυροειδείς Αναφορές

Juan 3:13

Awan ti maski ni ti deya man u nakaangay ti langet liban nikán a Anak nu tolay a gábwat ti langet.”

Juan 3:36

U maniwala tu Anak nu Diyos ay tehhod a biyag a awan ti kahád. Pero u awan sumunud nikuna ay awan magkahod ti biyag a awan ti kahád. Mágyan palla nikuna u iyamut nu Diyos.”

Juan 5:24

“Tatahoden u kagiyán ko nikam,” kinagi pa ni Jesus, “U mágsaneg tu upos ko sakay manalig tu nangpaangay he nikán ay tehhod a biyag a awan ti kahád. Awan dán siya mahatulan nan neagton dán siya gabwat tu kamatayan patamo tu biyag a awan ti kahád.

Juan 6:33

Dipo u makan a gabwat ti langet a inyatad nu Diyos ay awan ti iba nan u immogsad la a gábwat ti langet, siya u makapangatád ti biyag tu tolay hide ti munduway.”

Juan 6:42

Kanya kinagi de, “Awan beman ti Jesus ay u anak ni Jose? Bakin a kagiyán na a immogsad siya a gábwat ti langet, tukoy tam labe u dáddakál na hide?”

Juan 6:47

Kagiyan ko nikam u tatahoden: U maniwala nikán ay tehhod a biyag a awan ti kahád.

Juan 6:51

Hikán u makan a mangatad ti biyag tu tolay, a immogsad he a gábwat ti langet. Mabiyag hanggan-hanggan u ti deyaman a kuman ti iye. Sakay u iyatád ko a makan a ikabiyag nu tolay ti munduway ay u bággi ko.”

Juan 6:58

Hikán u makan a gábwat ti langet. Iye ay bakán a kapareho nu mana a kinan nu ninuno moy hide, dipo natay labe hide maski ni kimman hide ti itod. Pero u ti deyaman a kuman ti makanan iye ay mabiyag a hanggan-hanggan.”

Juan 8:51

Kagiyan ko nikam u tatahoden: U deyaman a mangtupad tu toldu ko ay awan mata-matay.”

Roma 8:10

Pero dipo mágyan dán nikam ti Cristo maski matay dán u bággi moy dipo tu kasalanan ay biyag u ispirito moy dipo imbilang kamon nu Diyos a matuwid.