Juan 6:45 - U Maganda A Baheta Ni Jesu-Cristo

⁴⁵ Ayun tu insulat nu prupeta hide, ‘Tolduwan hide a atanan nu Diyos.’ Kanya u atanan nu mágsaneg sakay nakatukoy tu Ama ay umadene nikán.

Juan 6:45 Σταυροειδείς Αναφορές

Mateo 11:27

Káttapos na a nanalangin ay kinagi ni Jesus tu disepulus na hide “Intád nu Ama nikán u atanan a kapangyariyan tu atanan a bagay. Awan talaga ti makatukoy tu Ama, u Anak la. Sakay awan talaga ti makatukoy tu Anak nan u Ama la sakay tu atanan a napili nu Anak a ipatenggi u Ama.

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Markos 1:2

Nagsapul iye nikuna natupad u insulat ni prupeta Isaias, “Katoy he u inutusan ko a mágdipalongo niko; Ihanda na u lakadán mo.

Lukas 1:70

Iye ay sigun tu inpananto na tu itod pa tu pamamag-itan nu prupeta na hide a malinis,

Lukas 18:31

Sakay dinulaw ni Jesus u sapulo ay ti duwwa na a disepulus sakay kinagi na nide, “Angay kitam ti Jerusalem sakay matupad hod u atanan nu insulat nu prupeta hide tungkul tu Anak nu Tolay.

Juan 10:27

Mágsaneg nikán u tupa ko hide. Tukoy ko hide sakay sumunud hide nikán.

Juan 6:37

Pero maski ni ti deya u iyatád nu Ama ko sakay pasakup nikán ay awan ko siya palayasán.

Juan 6:65

Indagdag pa a kinagi ni Jesus, “Iye u dahilan ni bakin kinagi ko nikam a awan ti makaadene nikán liban ni kagustuwan nu Ama ko.”

Gimet 13:40

Kanya magingat kam tánni awan mangyare nikam u kinagi nu prupeta hide,

Gimet 7:42

Dipo tu ginimet de ay inadággen hide nu Diyos sakay pinabayan na a sumamba hide tu awan mabilang a diyos-diyosan konna tu nakasulat tu libro nu prupeta hide: ‘Israel, dipo bakán a hikán u inalayan moy tu alay hide sakay tu hayup hide a binuno ay umalay kam ti áppat a pulo a taon tu parang.’

Efeso 1:17

Sakay u lagi ko a dasal tu Diyos nu Panginoon tam a Jesu-Cristo, u dakila a Ama, ay atádden na kam ti karunungan sakay pángngintendi gabwat tu Banal a Ispirito tánni makilala moy siya ti husto.

Filipos 3:15

Dapat konna hina u magin isipan tam bilang mágkatatag dán ti pánnampalataya. Ni bakán be a konna hina u isip moy ay ipakapospos iye nikam nu Diyos.

1 Tesalonica 4:9

Nadid, tungkul dámman tu págmahal para tu kákkapátkákka, awan kamon dapat a paalaalaan dipo intoldu dán nikam nu Diyos ni kodya kam a magmahalan.

Hebreo 10:16

“Iye u magin kasunduwan ko nide káddemát ni aldiwan itod hide,” kagi nu Panginoon: “Idátton ko tu puso de u utus ko hide, sakay isulat ko tu isip de.”

1 Juan 2:27

Pero maski ni magkakonna hod ay katoy dán nikam u Banal a Ispirito a inyatád ni Cristo. Mentaras a katoy nikam u Banal a Ispirito ay awan kamon kailangan a tolduwan ni deya man. U Banal a Ispirito u mángtoldu nikam tu atanan, sakay u atanan a itoldu na ay tatahoden, bakán a kakabuliyan. Kanya manatili kam ni Cristo dipo ina u intoldu nikam nu Ispirito.