Juan 6:39 - U Maganda A Baheta Ni Jesu-Cristo

³⁹ Sakay iye u kagustuwan nu nangpaangay he nikán: diyan ko pabayan a mawan u maski essa tu inyatád na hide nikán, nan biyagán ko hide a huway tu katapusan a aldew.

Juan 6:39 Σταυροειδείς Αναφορές

Mateo 10:15

Pakatandaan moy iye: Tu Aldew nu Pághukom ay mas maparusaan nu Diyos u tolay hide a napagpagan moy ti alikabuk nan tu mágkadukás hide a tolay a mágyan tu itod a panahun tu banuwan a Sodoma sakay Gomorra.”

Mateo 18:14

Kona labe hina a awan gusto nu Ama moy a atoy ti langit a metawtaw u essa tu badit a iye.”

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Juan 12:48

Tehhod a manghatul tu umád a mangtanggap tu toldu ko. U upos a ipáppangaral ko u manghatul nide tu dimodyan a aldew.

Juan 17:12

Mentaras a kagumanák de ay iningatan ko hide tu kapangyariyan a inyatád mo nikán. Iningatan ko hide sakay awan ti nepahamak nide, puwera la tu tolay a nagehyok tu kákkepahamak na para matupad u kinagi tu Kasulatan tungkul nikuna.

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Juan 17:24

Ama, gusto ko a makaguman tu angayan ko u tolay hide a inyatád mo nikán, tán ketan di be u karangalan a inyatád mo nikán, dipo mahalák mo bagu pa a nilalang i munduway.

Juan 17:6

Inpakilala taka tu tolay hide a inyatád mo nikán ti munduwáy. Kao mo hide sakay inyatád mo hide nikán, sakay sinunud de u upos mo.

Juan 17:9

Ipagdasal ko hide. Awanák magdasal para tu taga-mundu hide nan para tu inyatád mo hide nikán, dipo kao mo hide.

Juan 18:9

Kinagi itod ni Jesus, tán matupad u dasal na, “Ama awan ti maski essa a nepahamak tu inyatád mo nikán,”

Juan 5:28

Diyan moy iye pagtakaan, dipo dumemát u odas a masaneg nu patay hide u boses na.

Juan 6:37

Pero maski ni ti deya u iyatád nu Ama ko sakay pasakup nikán ay awan ko siya palayasán.

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Juan 6:44

Awan ti makaadene nikán maliban ni akitán siya nu Ama a nangpaangay he nikán. Sakay u umadene hide nikán ay biyagán ko a huway tu katapusan a aldew.

Juan 6:54

Pero u kuman tu bággi ko sakay uminom tu dige ko ay magkahod ti biyag a awan ti kahád, sakay biyagán ko siya a huway tu katapusan a aldew.

Roma 8:11

Sakay dipo mágyan dán nikam u Ispirito nu Diyos a nangbiyag a huway ni Jesu-Cristo, itod be a Diyos u mangatád ti biyag tu bággi moy a te kamatayan tu pamamag-itan nu Ispirito nu Diyos a mágyan nikam.

1 Corinto 6:14

Sakay biniyag a huway nu Diyos u Panginoon a ti Jesus. Kaya hikitam be ay mabiyag a huway tu pamamag-itan nu kapangyariyan na.

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

Santiagu 5:15

U panalangin a te pánnampalataya ay makapagpapiyya tu te saket, sakay pabegsákkán siya nu Diyos sakay patawadán na ni te kasalanan siya.

1 Pedro 1:5

Dipo tu pánniwala moy ni Jesu-Cristo kaya ingatan kam nu kapangyariyan nu Diyos, mentaras a maguhay kam tu kaligtasan a iyatád na káddemát nu katapusan a aldew.

Judas 1:1

Hikán ay ti Judas, a tagapagserbi ni Jesu-Cristo, a wadi ni Santiago. I sulat kuwáy ay para tu pinile hide nu Diyos, a mabiyag tu págmahal nu Diyos a Ama sakay áalagaan ni Jesu-Cristo.