Juan 6:27 - U Maganda A Baheta Ni Jesu-Cristo

²⁷ U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Juan 6:27 Σταυροειδείς Αναφορές

Mateo 17:5

Nagupos padi siya nikuna a bigla a liniduman hide nu essa a makasili a diklam. Sakay gábwat hod ay te nagkagi, “Siya u pinakamahal ko a Anak a kinasayaan ko a tahod. Sanigan moy siya!”

Mateo 25:46

Kinagi pa ni Jesus “Iyangay hide tu kaparusaan a awan ti katapusan pero u malinis hide ay makatanggap ti biyag a awan ti katapusan.”

Mateo 3:17

Tapos te boses a nasaneg a gábwat ti langet a nagkagi a “Siya u Anak ko a mahal ko. Masayaák a tahod nikuna.”

Mateo 6:19

Sakay kinagi pa ni Jesus “Dyan kam magpuhon ti kayamanan he ti munduwáy dipo u kayamanan he ay anayán, simangán sakay matakaw nu mágtakaw hide.

Mateo 8:20

Timmábbeg ti Jesus nikuna “U aso ay te págyanan sakay u manok hide ay te lobun pero hikán a Anak nu Tolay ay awan ti bilay a sadili a págkatdugan oni maimangan.”

Markos 1:11

Sakay nasaneg na u boses a gábwat ti langet, “Hiko u pinakamamahal ko a anak, masayaák niko a tahod.”

Markos 9:7

Nadid ay tinaklábben hide nu diklám sakay tehhod hide a nasaneg a boses a gábwat tu diklám, kinagi na “Sa iye u pinakamamahal ko a Anak. Sanigán moy siya!”

Lukas 3:22

sakay ummogsad nikuna u Banal a Ispirito a konna tu kalapate. Essa a boses u gábwat ti langet u nasaneg de a nagupos, “Hiko u pinakamamahal ko a anak; masayaák niko a tahod.”

Lukas 9:35

Sakay te boses a nagupos tu panganurin, “Iye u Anak ko a pinile ko, sanigán moy siya!”

Juan 10:28

Atádden ko hide ti biyag a awan ti kahád, sakay awan hide mepahamak. Awan ti makaagew nide tu kamát ko.

Juan 11:42

Tukoy ko a pirmiyák mo a sanigán. Kaya ko iye a kinagi ay dipo ti tolayáy hide, para maniwala hide a hiko u nángpaangay he nikán.”

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Juan 15:24

Ni awanák naggimet tu atubang de ti makataka-taka a awan magimet nu ti deyaman, maare de a kagiyan a awan hide ti kasalanan. Pero nadid te kasalanan hide, ta maski ni netan de u ginimet ko a makataka-taka, ay naiyamut hide nikame ay tu Ama ko.

Juan 17:2

Dipo inatáddinák mo ti kapangyariyan tu atanan a tolay para maatádden ko ti biyag a awan ti kahád u atanan a tolay a inyatád mo nikán.

Juan 3:15

para ni ti deya man u sumampalataya nikán ay magkahod ti biyag a awan ti kahád.

Juan 3:33

Pero u maniwala hide tu kinagi ni Jesus ay hide u mangpatunay a tatahoden u kinagi nu Diyos.

Juan 6:40

Dipo kagustuwan nu Ama ko a u atanan ay tumengge sakay maniwala tu Anak ay magkahod ti biyag a awan ti kahád, sakay biyagán ko hide a huway tu katapusan a aldew.”

Juan 6:47

Kagiyan ko nikam u tatahoden: U maniwala nikán ay tehhod a biyag a awan ti kahád.

Juan 6:51

Hikán u makan a mangatad ti biyag tu tolay, a immogsad he a gábwat ti langet. Mabiyag hanggan-hanggan u ti deyaman a kuman ti iye. Sakay u iyatád ko a makan a ikabiyag nu tolay ti munduway ay u bággi ko.”

Juan 6:53

Kinagi ni Jesus nide, “Kagiyan ko nikam u tatahoden: Mentaras awan moy kanán u bággi nu Anak nu Tolay sakay inumán u dige na ay awan kam magkahod ti biyag a awan ti kahád.

Juan 6:54

Pero u kuman tu bággi ko sakay uminom tu dige ko ay magkahod ti biyag a awan ti kahád, sakay biyagán ko siya a huway tu katapusan a aldew.

Juan 6:58

Hikán u makan a gábwat ti langet. Iye ay bakán a kapareho nu mana a kinan nu ninuno moy hide, dipo natay labe hide maski ni kimman hide ti itod. Pero u ti deyaman a kuman ti makanan iye ay mabiyag a hanggan-hanggan.”

Juan 6:62

Kodya dán wád ni ketanák moy a Anak nu Tolay a paontok a pasole tu ginábwatan ko?

Juan 6:68

Timmábbeg ti Simon Pedro, “Panginoon ti deya pa beman angayan miyay? Katoy dán niko u upos a makapangatád ti biyag a awan ti kahád.

Juan 8:18

Patunayan ko a mismo i sadile kuwáy, sakay magpatunay be u Ama ko a nangutus nikán.”

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 2:22

“Hikam a taga-Israel hide ay mágsaneg kam nikán! Ti Jesus a taga-Nazaret ay pinaangay nu Diyos nikam, sakay pinatunayan iye nu Diyos tu pamamag-itan nu himala hide sakay tu makataka-taka hide a ginimet na tu pamamag-itan ni Jesus. Mismo hikam u nakatukoy ti pangyayariyan iye dipo nangyare iye he nikam.

Roma 4:11

Tinure siya bilang tanda a ibilang dán siya a matuwid dipo tu pánnampalataya na. Kanya ti Abraham ay imbilang a ama nu atanan a manampalataya a awan nature. Sakay dipo ngane tu pánnampalataya de, ay imbilang hide nu Diyos a matuwid.

Roma 6:23

Dipo u bayad nu kasalanan ay kamatayan, pero u kaluub nu Diyos ay biyag a awan ti kahád tu pamamag-itan ni Cristo-Jesus a Panginoon tam.

1 Corinto 6:13

U kagi be nu agum ay “U makan ay para tu tiyan, sakay u tiyan ay para tu makan.” Tama ina, pero pare-pareho ina a sidaáan nu Diyos. U bággi ay bakán a para tu pángngibábbey sakay pángngilállake nan para tu págserbi tu Panginoon, sakay u Panginoon u bahala a mangalaga tu bággi.

1 Corinto 9:2

Tu agum ay awanák de tenggiyán a apostol pero tukoy ko a kilalaánnák moy a apostol! Dipo hikam a mismo u patunay a apostolák nu Panginoon, dipo simmampalataya kam tu Diyos tu pamamag-itan nu intoldu ko.

2 Corinto 4:18

Kaya awan me pahalagaan u bagay hide a ketan nan tu bagay hide a awan ketan. Dipo pansandaliyan la u bagay hide a ketan, pero awan ti kahád u bagay hide a awan ketan.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Filipos 2:13

Dipo u Diyos u mangatád nikam ti soh sakay kakayanan a magimet u kaluuban na.

Colosas 1:29

Iye u gustu ko a matupad kaya magpakahirapák a magtoldu tu pamamag-itan nu kapangyariyan ni Cristo a magahikad nikán.

Colosas 2:22

Iye hide ay utus sakay toldu la nu tolay tungkul tu bagay hide a mawan.

Colosas 3:2

Ituun moy isip moye tu bagay hide ti langet, bakán a tu bagay hide ti lutaáy

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

2 Timoteo 2:19

Pero awan maare a mawan u tatahoden a toldu a gábwat tu Diyos. A konna tu pundasyon a indátton na sakay tinatakan na ti konna he, “Tukoy nu Panginoon ni deya u sakup na hide,” sakay “U tolay a sumunud tu Panginoon ay dapat ibutan na u gimet na a madukás.”

Hebreo 12:16

Bantayan moy be a awan ti mangibábbey oni mangilállake tu maskin deya nikam, oni awan pahalagaan u bagay hide a ispiritwal, konna ni Esau a impalit na ti essa a penggan a makan u karapatan na bilang panganay.

Hebreo 4:11

Kanya pagsikapan tam a makasáddáp sakay umimang tu páppágyanan nu Diyos. Dipo u sumuway tu Diyos ay awan makasáddáp a konna tu Israelita hide.

Santiagu 1:11

Konna be tu lamon a ni makagkag tu masinggit a sinag ay malanás, mahaghag u bulaklak na sakay mawan u ganda na. Konna labe tu tolay a mayaman, mentras a magpayaman matay labe siya.

1 Pedro 1:24

Konna tu nakasulat tu Kasulatan, “U biyag nu tolay ay kumán a lamon Sakay u ganda na ay kumán a bulaklak. Malanás u lamon sakay mahaghag u bulaklak na.

2 Pedro 1:17

Dipo nikuna a parangalan sakay papuriyan nu Diyos Ama ti Jesu-Cristo, ay nasaneg me u boses nu Makapangyariyan a Diyos a nagupos, “Iye u pinakamahal ko a anak, sakay masayaák nikuna a tahod.”